Elecciones
Feijóo di que non hai precedentes en adiantar eleccións ao verán, pero el fixo o mesmo nas galegas

Dicir a mesma cousa e a contraria. Criticar ao presidente do Goberno por adiantar as eleccións xerais ao verán e esquecer premeditadamente que el fixo exactamente o mesmo cando presidía a Xunta de Galiza. O líder do Partido Popular, Alberto Núñez Feijóo, manexa con destreza a arte da contradición. É un denominador común en toda a súa traxectoria política. “Convocar eleccións nas datas máis calorosas do noso país e no maior éxodo vacacional é un feito sen precedentes en case medio século de democracia española”, soltou durante a súa intervención no Cercle d'Economia de Barcelona. Feijóo parece sufrir unha amnesia transitoria que lle levou a esquecer que as undécimas eleccións galegas á Xunta de Galiza, que debían celebrarse en outubro de 2020, foron adiantadas por el mesmo ao 12 de xullo. O primeiro verán da pandemia.

A Xunta de Feijóo construíu e reformou sen licenza naves e chalés no Parque Nacional das Illas Cíes

Javier H. Rodríguez

Medio ambiente

Exclusiva A Xunta de Feijóo construíu e reformou sen licenza naves e chalés no Parque Nacional das Illas Cíes

Javier H. Rodríguez

Investigan tres ampliacións de vivendas residenciais e a construción de dúas naves sen licenza nin informes sectoriais, nun solo coa máxima protección urbanística.

Xentrificación Movemento veciñal e urbanismo salvaxe na cidade máis grande de Galicia

Esta manobra foi fundamental na construción da súa cuarta maioría absoluta como presidente do Goberno galego: cultivou unha das participacións máis baixas da democracia nunhas eleccións autonómicas, o 48,97 %. Nin sequera a metade das persoas con residencia en Galiza achegáronse ás urnas.

Ao agora candidato a presidir o Goberno do Estado non lle parecía que esta decisión afectase o proceso democrático: “Galicia achega responsabilidade, seguridade e estabilidade ao resto de España. Tratamos de preservar a normalidade institucional e social na comunidade autónoma”, dicía entón. Agora a súa opinión respecto diso cambiou e insinúa que o Goberno busca reducir a participación: “Búscase a menor participación e que os cidadáns non poidan asistir a votar? Non o sei”.