Huelga feminista
Mobilizacións históricas do feminismo galego

A xornada de folga feminista comezou moi cedo en Galiza. Ás 5:00 da madrugada comezaban a súa actividade os piquetes feministas de Vigo, dúas horas despois facían o mesmo en Compostela.

Na capital da Galiza os piquetes iniciaron a súa actividade no polígono Costa Vella, que agrupa a distintas empresas e importantes marcas como Decathlon, Leroy Merlin e Mercadona. Este último supermercado fechou as súas portas para impedir que o piquete informativo desenvolvese a súa labor.

Ao longo da mañá a actividade piqueteira, polo menos nas grandes cidades, estendeuse polas ruas máis comerciais e polos centros de ensino.

O momento álxido co que concluiu a xornada da mañá de folga feminista foi ás 12:00, cando milleiros de mulleres ocuparon as distintas prazas de rúas de todo o país. “Está a ser un auténtico desborde” comentaba unha das participantes da manifestación de Compostela. Esta sensación repetiuse nos distintos puntos de Galiza onde estaban a descenvolverse as concentracións.

Tanto en Vigo como en Compostela as concentracións derivaron en distintas columnas que, en manifestación, percorreron distintas rúas.