O Salto medra contigo
Estas festas, alimenta o teu lado crítico coa edición galega do Salto

“Vivimos nunha plutocracia, un goberno dos ricos”, dicía José Saramago nunha entrevista en 2003. Razóns non lle faltaban, pero non podía imaxinarse o que viría despois: mentres a inmensa maioría da poboación viu recortado o seu salario real, cun de cada catro fogares por baixo da pobreza e sete de cada dez que non poden aforrar nin un euro, a cifra de milmillonarios multiplicouse por seis e o patrimonio que amasan por dez, unhas taxas de concentración de riqueza sen precedentes na historia. Nunca tiveran tanto poder.

As grandes corporacións e os multimillonarios dominan o mundo. Tamén os medios de comunicación. No Estado español, as principais cabeceiras están controladas por fondos de investimento, grupos empresariais de dereita e grandes fortunas do capitalismo español.

Dependemos do teu apoio para garantir a nosa sustentabilidade, para poder ofrecer máis, e mellores, contidos críticos

Para rematar con este “goberno dos ricos”, dicía Saramago, o primeiro paso é denuncialo, destapar a “farsa”. E para iso é imprescindible a independencia sustentada en principios, métodos e ferramentas. No Salto cremos que a independencia económica da elite económica e política é a única forma de non terminar traballando para elas.

Un obxectivo que, até o momento, estamos a cumprir aínda que dependemos da túa axuda para garantir a nosa sustentabilidade, para poder ofrecer máis, e mellores, contidos críticos.

Precisamos medios coas mans libres para denunciar o poder das grandes empresas, os fondos de investimento e as grandes fortunas que dominan a comunicación, a política e a economía. Sen medo para sinalar aos ricos, como quixemos reflectir na gráfica da campaña, na que traballamos de xeito conxunto co artista Adrián Astorgano.

Porque o discurso mediático convencional adoita falar do problema da pobreza, da precariedade ou das guerras e pouco ou nada da outra cara. De como, por exemplo, os principais magnates da industria armamentística enchen os seus petos grazas a guerras como a de Ucraína ou son os principais beneficiarios de ocupacións colonialistas como a que sofre o pobo palestino desde hai 75 anos.

Ofrecémosche un compromiso: seguir traballando en contidos que alimenten a túa capacidade crítica, a solidariedade, o apoio mutuo, a rebeldía e a alegría

O mesmo ocorre no Estado español, onde a lista de milmillonarios compóñena medianos e grandes caseiros que se enriqueceron subindo o alugueiro, é dicir, co noso dereito á vivenda; por banqueiros, que gañaron 20.000 millóns de euros no primeiros nove meses do ano coas nosas hipotecas; e polos directivos das eléctricas, que cultivaron beneficios —e recibos da luz— nunca vistos, mentres poñían o berro no ceo debido ao morno imposto sobre estes beneficios acordado polo actual Goberno.

A concentración de riqueza non só causa problemas económicos e sociais —entre outros, o auxe da extrema dereita—, senón tamén ambientais: o 1% máis rico xera tantas emisións como os 5.000 millóns de humanos máis pobres. A riqueza é un problema de primeira orde, pero non aparece nas enquisas do CIS.

Tamén, os ricos adoitan ser (oh casualidade!) homes brancos heteros adultos. Homes que consolidaron unha cultura patriarcal e machista en base aos seus propios intereses, á expropiación dos nosos recursos naturais e á explotación das persoas, en xeral, e das mulleres e disidencias, en particular.

Por todo isto, ofrecémosche un compromiso: seguir traballando en contidos que alimenten a túa capacidade crítica. Reportaxes, análises, entrevistas e noticias que se saen dos parámetros marcados polos poderes financeiros e que falan a linguaxe xornalística da rúa, de quen sae adiante día a día e traballan en común por outro barrio, outra cidade, outra aldea e outro mundo posible, da xente que non o ten doado, pero seguen crendo na solidariedade, no apoio mutuo, na rebeldía e na alegría.

Alimenta o teu lado crítico e subscríbeche ao Salto.

Faite socia se quieres levar unha dieta informativa sa, sen noticias procesadas polas multinacionais e libre de medias verdades.