O Salto medra contigo
O Salto supera o teito das 10.000 subscricións

No último ano, fixemos un exercicio de transparencia inédito nos medios de comunicación no Estado español: compartimos a tempo real o número de persoas subscritas.

Puidestes ver como subía o contador e como, ao final de cada mes, volvía caer. Isto ocórrelle a todos os medios que teñen subscricións cando se producen baixas, pero decidimos compartir esta información coa nosa comunidade de socios/as e de lectores. Na fin, non hai ningún gran medio no panorama deste Estado que dependa case ao 80% de persoas socias nin que teña liñas vermellas de financiamento tan estritas como as nosas para evitar a dependencia de grandes empresas e de partidos políticos. A nosa existencia depende literalmente das subscricións.

A pesar das subidas e baixadas, cada mes estabamos máis preto. Coa campaña de verán conseguimos dar un novo salto e este 6 de setembro conseguimos, por fin, alcanzar o obxectivo dos 10.000 socios/as. Hai moitos motivos para celebrar: os 10.000 é a primeira gran meta que se puxo O Salto cando se creou en 2017 tomando a substitución de 11 anos de historia do xornal Diagonal.

Non deixa de ser un número simbólico —para que negalo, gústannos os números redondos—, pero non é a fin do camiño, senón un chanzo máis. As 10.000 socias permítennos equilibrar as contas e evitar —ou limitar— as perdas a final de ano, pero seguen sendo insuficientes para os dous grandes obxectivos deste medio: incidir na transformación social a través do xornalismo —algo especialmente urxente neste contexto de dereitización da sociedade— e facelo con condicións dignas de traballo.

Máis que nunca, fan faltan medios que fagan fronte á ofensiva das ideas da extrema dereita, que penetran non só en sectores conservadores, senón tamén en socialdemócratas e algúns de esquerda

Celebramos os 10.000, pero o que ocorre fóra da sede do Salto obríganos a volver rápido ao noso traballo e pensar en novas metas e novos desafíos. Cremos que, máis que nunca, fan faltan medios que fagan fronte á ofensiva das ideas da extrema dereita, que penetran non só en sectores conservadores, senón tamén en socialdemócratas e algúns de esquerda. Para iso necesitamos medios propios, que non sirvan nin a empresas nin intereses de partido.

O Salto é un medio que conta cun persoal de 28 persoas, cunha revista e unha web de actualización diaria, con seccións de radio e TV, con redacción propia en Andalucía, Galiza, País Valencia, Madrid, Euskal Herria e Estremadura. Conseguimos moito grazas a vós. Pero somos conscientes de todo o que nos queda —moito menos que antes— para ser o medio co que soñabamos cando lanzamos O Salto e falabamos do “primeiro gran medio financiado pola xente”.

Por iso, con este texto celebramos os 10.000 socios/as e anunciamos que isto é só o principio. Sen vós non o conseguimos e sen vós tampouco poderemos alcanzar o noso próximo obxectivo.

A todas as persoas que facedes grande O Salto, grazas!