Transexualidad
No dia da visibilidade trans

Uma reflexom ante a viôlencia.
31 mar 2025 08:00

Cometim um crime. Som mulher e cometim perjúrio polo simples facto de me declarar mulher. Na verdade, se nom quigesse manter aberta a possibilidade de poder viver em Bolikin (nome decolonial de Puerto Rico) renunciaria o meu passaporte estado-unidense. Eu som boricua, da diáspora, e como Puerto Rico é umha colónia dos Estados Unidos o passaporte estado-unidense é o passaporte para a gente boricua. E pois. Agora temos um fascista na Casa Branca. O primeiro dia da segunda presidência de Donald Trump, ele assinou umha ordem executiva que elimina a existência legal das pessoas trans titulada “DEFENDING WOMEN FROM GENDER IDEOLOGY EXTREMISM AND RESTORING BIOLOGICAL TRUTH TO THE FEDERAL GOVERNMENT” (Para a defesa das mulheres da ideologia de género extremista e para a restauraçom da verdade biológica no governo federal). E com a sua assinatura, eu –mulher trans– tornei-me um homem para a lei. É possível que a cisnormatividade da nossa sociedade impossibilite muites leitores de compreender a violência desta açom. Além da violência intencional de nos negar mesmo o reconhecimento do que somos, também é forçar, no caso das mulheres, umha minoria já extremamente marginalizada a registrar-se como homens, casar como homens, ir ao cárcere de homens, ver denegados recursos vitais em tempos de necessidade extrema...

O meu passaporte caducou durante a pandemia e quando lim as novas, pedim dinheiro emprestado para um bilhete para Madrid na mesma semana. Queria renovar o meu passaporte antes de o goberno trumpista puder despedir todas as pessoas funcionárias que simpatizam com a minha causa, como bem está a acontecer no momento em que escrevo.

Cometim perjúrio sem mentir. Se o governo quer violentar-me, que o faga. Eu nom a vou fazer.

Quando cheguei ali, avisárom-me de que pôr um “F” no formulário seria cometer perjúrio. Por lei, tenho que marcar um “M”. Trump, o grande feminista TERF, aboliu o género e declarou que unicamente existe o sexo –e entende-o em termos bastante reducionistas e conservadores (nom segundo a riqueza plural que nos ensina a biologia).

Cometim perjúrio sem mentir. Se o governo quer violentar-me, que o faga. Eu nom a vou fazer.

I minhe companheire estava comigo, e bem que me defendeu. Chorei. Achei-me assim perante o dilema da gente minorada e violentada: ter que decidir se vou permitir que as minhas lágrimas dem testemunho ou se as mantenho em privado, se as mostro para explicarem a dor que a situaçom cria em mim ou se fazê-las públicas me degrada.

Quero enumerar umha série de lições que tirei destes acontecimentos.

ABOLIÇOM DO SEXO/GÉNERO

Acho que é momento de sementar um ideia bastante polémica e algo utópica no contexto atual: a aboliçom do género legal. Temos que entender que o que está passando nos Estados Unidos pode-se dar em qualquer lugar. Pode passar aqui. Compre desbotar o mito do progresso como umha linha recta. Em nengum momento devemos parar de luitar polos nossos direitos, mas é fundamental entendermos que a conquista de direitos nom é o fim da historia. As TERF que querem expulsar as mulheres trans do movimento feminista e da mulheridade, concordam com as ações de Donald J. Trump. Caírom numha trampa e perdêrom o norte. Já é algo visível para todo o mundo. J.K. Rowling apoia um fascista, um pretenso ditador de direitas.

Até agora, o ativismo trans apelava ao estado para reconhecer e marcar quem éramos. Pedíamos o reconhecimento para as mulheres e homens trans, e umha marca X para as pessoas nom-binárias que assim o desejarem. Isto conseguiu-se nos Estados Unidos e agora foi eliminado sob Trump. Às vezes, estas estratégias para normalizar e assimilar as identidades trans dentro dos aparatos estatais –afinal de contas, para as legitimar– acabam por se tornar contra nós. Nom é o estado quem nos dignifica, a dignidade surge unicamente de nós mesmis. As TERF querem derrubar o género e conservar o sexo legal, justo como fixo Trump. Umha ideia do sexo reducionista, colonialista e violenta contra as pessoas trans e intersex.

Penso que é o momento de começarmos a pensar em abolir o sexo e o género na sua totalidade como algo que o estado marca e regula.

Penso que é o momento de começarmos a pensar em abolir o sexo e o género na sua totalidade como algo que o estado marca e regula. É um debate enorme e tem muitas implicações –como, por exemplo, nas leis de violência de género. E está longe de ser praticável neste momento histórico, mas tudo nasce assim. Quanto mais nos libertarmos do estado, mais intocáveis seremos quando o estado tente violentar-nos. É umha ideia que viria acompanhada do abolicionismo da industria e do sistema carcerário, outra revoluçom necessária mui pouco debatida no estado espanhol.

O RECEIO DE HISTORIAS SIMPLISTAS

A minha história pessoal nom é a pior de todas as que estám acontecendo nos Estados Unidos. Há familias que poderiam perder as suas crianças, por apoiá-las. Há pessoas trans que perderam os seus medicamentos vitais, a sua proteçom legal, a igualdade, a possibilidade de existirem publicamente. A violência está a aumentar e em certos estados a discriminaçom vai ser brutal. Já há vagas de pessoas fugindo do país e nom tenhem direito a qualquer proteçom internacional por virem dos Estados Unidos. Nom merecem nem mais nem menos simpatia que as pessoas trans que fogem doutros lugares repressivos e violentos. Em geral, os nossos sistemas de acolhida nom servem. Em Sete Outeiros, temos umha mulher trans brasileira a quem lhe foi denegada a proteçom no estado espanhol. As fronteiras matam. Desde posturas anti-coloniais devemos lutar contra as fronteiras, mas também, perante a ameaça da violência autoritária e fascista, o nosso movimento tem que ser totalmente transfronteiriço.

Os Estados Unidos nom som só um símbolo do imperialismo. Som o lar de muitas pessoas oprimidas. Pessoas racializadas, pessoas trans, pessoas racializadas e trans à vez. Nom há tempo para histórias simplistas.

EM COMUNIDADE

Com a morte do mito do progresso, também deve morrer o individualismo ocidental que o acompanhou. O colonialismo plantou nos corações de Europa a ideia de que nom há nada que aprender dos lugares colonizados. Esta ideia, ainda bastante interiorizada, é puro supremacismo.

Como dixo Angela Davis, “As pessoas trans elevárom a nossa compreensom do que é necessário para alcançar a justiça. Nom só aprendemos das pessoas trans, mas também nos ajudam a evoluir e a questionar o que é “normal”.

O mundo tem muito que aprender do movimento trans; e também o movimento trans tem muito que aprender do anti-colonialismo.

Sendo eu umha boricua trans, vejo que o mundo tem muito que aprender do movimento trans; e também o movimento trans tem muito que aprender do anti-colonialismo.

A cultura do individualismo tipicamente europeia nom nos salvará do que está por vir. É fundamental organizarmo-nos cada vez mais em comunidade e procurar também alianças com as outras margens sociais. Assimilarmo-nos numha sociedade em descomposiçom nom é o nosso objetivo. Em tempos de crise económica, com o espectro do fascismo à espreita, nom podemos perder de vista a possibilidade de mundos melhores. A nossa existência tem um potencial liberador, mas só se nos posicionarmos nela.

Arquivado en: Transexualidad
Informar de un error
Es necesario tener cuenta y acceder a ella para poder hacer envíos. Regístrate. Entra na túa conta.

Relacionadas

LGTBIAQ+
Jueves 12 de junio Trans en Lucha convoca por la dignidad de las personas trans fallecidas
La ley da solo a la familia la responsabilidad de velar por la dignidad de sus familiares fallecidos. Pero, ¿qué pasa cuando es la familia quien atenta contra ellos?
Campo de cuidados
Campo de cuidados Lágrimas de luz
Observaciones tras un concierto apretado acerca de jotas, quereres, adolescencias y diversidades de las que caben en todos los marcos, en todas las plazas y todos los pueblos.
LGTBIAQ+
Juicio el 9 de mayo Lidia Falcón pide cinco años de cárcel a una mujer trans por un tuit de 2021 que no la menciona
La activista antiderechos Lidia Falcón denunció a Diana Juan Cano en 2021 por un tuit que apenas tuvo repercusión. La acusación pide una pena de cinco años de prisión y 50.000 euros de indemnización.
Medio rural
Medio rural A esperanza da xestión colectiva fronte ao espolio: os comuneiros de Tameiga contra o Celta
Mentres varios proxectos industriais tentan privatizar e destruír os ecosistemas galegos, algúns grupos de veciños e veciñas organizadas fan oposición social construíndo alternativas comunitarias. Ás veces, tamén gañan ao xigante.
Ourense
Ourense Ourense organízase para loitar contra patrullas de extrema dereita nos barrios máis empobrecidos da cidade
A veciñanza e os movementos sociais responden ao discurso do medo promovido por Frente Obrero e sinalan a súa estratexia de criminalizar a pobreza e sementar odio en contextos de exclusión e abandono institucional.
O Salto medra contigo
Crowdfunding O Salto Galiza abre un crowdfunding para empapelar Altri
Queremos investigar os responsables políticos e empresarias do que podería ser o maior atentado ambiental da historia recente de Galiza.

Últimas

O Teleclube
O Teleclube 'O Teleclube' alucina no deserto con Óliver Laxe e 'Sirat'
Laxe leva o seu cuarto premio de Cannes, esta vez en competitición, polo seu novo filme que explosiona na gran pantalla.
A Catapulta
A Catapulta O tempo, o espazo e a poesía de Estíbaliz Espinosa
A poeta visita A Catapulta para conversar sobre o seu traballo e a súa traxectoria literaria

Recomendadas

Feminismos
Feminismo Dous anos sen reparación tras sufrir lesbofobia nun Rexistro Civil de Pontevedra cando ían inscribir a seu fillo
Un funcionario negouse a inscribir ao fillo de Antía e a súa parella. Un erro de redacción na lei trans está detrás dos argumentos que o funcionario esgrime para defender a súa actuación.
Culturas
Erika Lust y Sara Torres “El deseo tiene una potencia inagotable para transformar la realidad si lo liberamos de las normas”
Sexo, deseo o ética del placer son algunos de los temas que hilan la escritora Sara Torres y la productora de cine porno Erika Lust en ‘La abundancia del deseo’.
Medio ambiente
Medio ambiente Iberdrola proxecta un parque eólico que pon en risco un dos maiores xacementos fortificados de Galiza
A Xunta vén de declarar a utilidade pública para o parque eólico Castro Valente, a pesar de que a súa construción está suspendida cautelarmente polo Tribunal Superior de Xustiza de Galicia.