A Catapulta
Paco Macías, tres décadas publicando poesía transgresora á fronte de Edicións Positivas
A Catapulta, o programa sobre poesía dixirido e conducido por Samuel L. París, recibiu a visita de Paco Macías, editor á fronte de Edicións Positivas.
Esta editorial, fundada no ano 1990, leva máis de tres décadas publicando poesía transgresora e afastada do canon literario que, ata a súa chegada, non encontraba oco en proxectos máis tradicionais. A obra de Ronseltz ou Lois Pereiro e as primeiras traducións de Bukowski ou Gingsberg ao galego viron a luz grazas á aposta desta editorial compostelá.
A conversa con Paco Macías, repleta de humor e ironía, tratou sobre as orixes do proxecto, sobre os cambios que se produciron tanto no mundo editorial galego como no literario e mesmo sobre o traballo e vicisitudes que ten un proxecto editorial independente a día de hoxe.
Cada emisión do programa pode seguirse en directo e revisitarse en diferido nas canles de Youtube e Twitch de El Salto. Ademais, tamén pode escoitarse en formato podcast.
O vindeiro episodio, que contará coa presenza do poeta Quico Valeiras, emitirase en directo o luns 10 de xuño ás 19.30h.
Relacionadas
Para comentar en este artículo tienes que estar registrado. Si ya tienes una cuenta, inicia sesión. Si todavía no la tienes, puedes crear una aquí en dos minutos sin coste ni números de cuenta.
Si eres socio/a puedes comentar sin moderación previa y valorar comentarios. El resto de comentarios son moderados y aprobados por la Redacción de El Salto. Para comentar sin moderación, ¡suscríbete!
