A Catapulta
O poeta Samuel Merino visita A Catapulta no seu episodio 11
O programa sobre poesía do Salto Galiza en Twitch e Youtube, A Catapulta, contou no seu undécimo episodio coa visita do poeta mosense Samuel Merino, tamén coñecido como Pompa e Boato.
Ao longo deste episodio conversouse relaxadamente sobre a súa formación artística e literaria, os seus procesos creativos, a súa visión sobre o tecido cultural galego e, tamén, sobre as súas vindeiras intervencións en eventos poéticos, como o Alguén que Respira, o festival que terá lugar en Santiago de Compostela os días 21, 22 e 23 de marzo.
Como sempre, á fronte da Catapulta está Samuel L. París. O programa xa contou coa presenza de Nuria Vil; Lúa Mosquetera; X.M. Xespi; Bratzantifa; Branca Trigo e Alfredo Vázquez, de Edicións Malafera; Lupe Blanco; Diego Horschovski; Daniel Landesa; Fran Alonso e Helena Salgueiro. Ademais de en directo e en vídeo, A Catapulta pódese escoitar en formato podcast. Escoita máis aquí.
O luns 15 de abril ás 19.30h poderá seguirse un novo episodio da Catapulta en directo, no que se contará coa visita do poeta e presidente da Asociación de Escritoras e Escritores en Lingua Galega, Cesáreo Sánchez Iglesias.
Relacionadas
Para comentar en este artículo tienes que estar registrado. Si ya tienes una cuenta, inicia sesión. Si todavía no la tienes, puedes crear una aquí en dos minutos sin coste ni números de cuenta.
Si eres socio/a puedes comentar sin moderación previa y valorar comentarios. El resto de comentarios son moderados y aprobados por la Redacción de El Salto. Para comentar sin moderación, ¡suscríbete!
