Ence
Rueda coloca como Directora de Calidade Ambiental á muller dun alto cargo de Ence en Galiza

O presidente da Xunta de Galiza, Alfonso Rueda, acaba de nomear como Directora Xeral de Calidade Ambiental a María José Echevarría Moreno, muller de Antonio Casal Lago, Director Territorial da pasteira Ence en Galiza. A decisión do Goberno galego do Partido Popular chega apenas uns días despois de que a multinacional de celulosa arrincase o seu plan de greenwashing anual, onde reparte, desde 2017, tres millóns de euros a actores sociais de todo tipo nuns cuantos quilómetros á redonda da súa fábrica de pasta de papel, situada desde os anos cincuenta na ría de Pontevedra.

O ‘biomanual’ de Ence para lavar a súa imaxe en Galiza

Javier H. Rodríguez

Greenwashing

Greenwashing O ‘biomanual’ de Ence para lavar a súa imaxe en Galiza

Javier H. Rodríguez

Charlas sobre medio ambiente en colexios, escolas de xornalismo, barcos para confrarías, proxectos con universidades e publicidade para os medios. O xigante da celulosa empeza o curso financiando un imaxinario ficticio sobre a súa sustentabilidade.

Greenwashing A Xunta acepta a Ence na Alianza Galega polo Clima: “Puxeron o raposo a coidar das galiñas”

O Consello da Xunta ratificou este luns o nomeamento de Echevarría Moreno en substitución de Ramón Martínez Boga, que dimitiu, segundo fontes próximas, logo de apenas catro meses no posto, aínda que o presidente Alfonso Rueda preferiu chamalo cesamento “a petición propia”. Echevarría, licenciada en Dereito pola Universidade de Santiago de Compostela e funcionaria do corpo superior da Administración Xeral de Galiza, desempeñábase previamente como directora territorial da Consellería de Cultura, Lingua e Xuventude en Pontevedra. En só uns días deu un salto quilométrico en responsabilidades e en temas dos que agora será máxima responsable, só por detrás da conselleira do ramo, Ángeles Vázquez.

Para a Asociación pola Defensa da Ría este nomeamento é un novo capítulo dunha “trama política e familiar” que se remonta aos gobernos de Manuel Fraga

Para a Asociación pola Defensa da Ría, o movemento social que leva plantando cara a Ence desde fai máis de tres décadas, xa denunciaron esta “trama política e familiar” no ano 2014 cando a agora Directora Xeral era técnica na Xunta de Galiza “e tiña rango de acción” no armazón burocrático do Goberno de Alberto Núñez Feijóo, “especialmente na Autorización Ambiental Integrada (AAI) lograda por Ence naquel momento”, lembra o portavoz da Asociación pola Defensa da Ría, Antón Masa.

A nova directora xeral ten unha extensa traxectoria na Administración autonómica, ocupando cargos en distintos departamentos, entre eles o de subdirectora de Calidade Ambiental e de Coordinación Ambiental. Desde Manuel Fraga até Núñez Feijóo e, agora, tamén con Rueda.

O deputado do Bloque Nacionalista Galego, Luís Bará, saíu a tachar a decisión do Goberno galego como “escandaloso e reprobable”: “Parécenos que estamos ante un claro caso de conflito de intereses porque esta Dirección Xeral ten que intervir en asuntos industriais e ambientais que afectan directamente ás actividades da pasteira e do seu marido, que foi director da fábrica de Lourizán e que actualmente é xefe territorial de Ence en Galiza”.

En 2014, Ence recoñecía veladamente os vínculos familiares con altos cargos da Xunta, pero sinalaba á Asociación pola Defensa da Ría como responsable dunha estratexia política

De feito, xa en 2014, xusto agora fai dez anos, Ence manifestouse respecto diso quitando ferro á relación familiar destes dous altos cargos dicindo que a nova Directora Xeral de Calidade Ambiental “ocupou postos técnicos de primeiro nivel en todos os gobernos galegos, independentemente da súa cor política, nos últimos 19 anos” e que, sinalar os seus vínculos e potenciais intereses, é unha estratexia política.