Laboral
A CIG mobilízase este 1 de xuño contra o V Acordo para o Emprego e a Negociación Colectiva

Están convocadas asembleas de delegadas sindicais e mobilizacións sociais nas sete grandes cidades galegas máis Ribeira para denunciar as renuncias e concesións de dereitos laborais
CIG
Manifestación da CIG polo Primeiro de Maio en Santiago de Compostela.
31 may 2023 11:00

Este 1 de xuño, a Confederación Intersindical Galega (CIG) ten convocadas asembleas de delegadas e mobilizacións sociais nas sete grandes cidades galegas máis Ribeira contra a aplicación do V Acordo polo Emprego e a Negociación Colectiva (AENC) que asinaron CCOO e UGT con CEOE e CEPYME o pasado 10 de maio.

No contexto actual de incertezas múltiples hai quen celebra este pacto entre as organizacións sindicais e empresariais máis representativas do Estado como un exercicio de responsabilidade de traballadoras e empresarias. Fronte a esta lectura, a CIG fala dun “mal acordo” fundamentado na “renuncia” de CCOO e UGT a “entender a loita, a mobilización e a folga” como elementos básicos da acción sindical para “afrontar a negociación colectiva”. Para Paulo Carril, secretario xeral da CIG, o V AENC constata “como estes sindicatos practican a desmobilización, están absolutamente domesticados e entregados a unha conciliación de intereses co capital e de submisión ao poder político e económico”.

Malia que este acordo non ten mandatos de directo cumprimento para empresas e traballadoras, senón unicamente recomendacións dirixidas a orientar os contidos da negociación colectiva, a experiencia acumulada de anteriores AENC demostra a súa influencia. Neste sentido, a CIG advirte de que o chamamento explícito á paz social supón “unha declaración sen precedentes de desmobilización”, cando “o sindicalismo tería que estar á altura das circunstancias a través da loita e da mobilización para conquistar melloras nas condicións de traballo”.

Por outra banda, ao establecer unha vixencia temporal de 2023 a 2025 e deixar fóra os anos 2021 e 2022, cunha maior inflación, “agasállanse á patronal estes dous anos porque no acordo non se contempla ningún tipo de solución”, sinalan desde a CIG. Tamén hai críticas respecto dos incrementos salariais pactados, que non aseguran a recuperación de poder adquisitivo das traballadoras e réndense ao discurso da moderación nun momento de beneficios empresariais históricos.

Horas e lugares das asembleas e mobilizacións sociais
A CORUÑA
10:30h: asemblea no local sindical (Avda. Alfonso Molina).
12h: concentración na CEC (Praza de Luís Seoane, Monelos).
COMPOSTELA
10h: asemblea no Hotel Compostela.
12h: manifestación da Praza de Galiza á sede da Confederación de Empresarios/as.
FERROL
10h: asemblea no salón de actos do local sindical (r/ Eduardo Pondal).
12h: concentración diante de COFER (Cantón de Molíns 8-9).
LUGO
10:30h: asemblea no edificio sindical (Ronda da Muralla).
12:30h: concentración na sede da CEL (Praza de Santo Domingo).
OURENSE
10h: asemblea no salón de actos do edificio sindical (Parque San Lázaro).
12h: concentración diante da CEO (Praza das Damas).
PONTEVEDRA
10h: asemblea no local sindical (Pasantería).
11:45h: manifestación do local sindical até a sede de AEMPRE (Virxe do Camiño).
RIBEIRA
10:30h: asemblea ás no local sindical (r/Estatuto).
12h: concentración na Praza do Centenario.
VIGO
10h: asemblea no salón de actos dos Padres Capuchinos (Vázquez Varela, 15).
12h: manifestación, desde o lugar da asemblea até a sede da CEP (García Barbón).

 


Arquivado en: O Salto Galiza Laboral
Informar de un error
Es necesario tener cuenta y acceder a ella para poder hacer envíos. Regístrate. Entra na túa conta.

Relacionadas

Cádiz
Derechos laborales Miles de trabajadores del metal continúan la huelga en Cádiz contra el acuerdo firmado por UGT y la patronal
CGT y CTM continúan con la huelga del metal en Cádiz tras la firma de un acuerdo entre UGT y la patronal que consideran una traición a los trabajadores del sector.
Asturias
Contra la entrada en prisión Miles de personas arropan a Las Seis de La Suiza por las calles de Xixón
Una multitudinaria manifestación apoya en Xixón a las seis sindicalistas condenadas a penas de prisión en el caso conocido como Las Seis de La Suiza.
Medio rural
Medio rural A esperanza da xestión colectiva fronte ao espolio: os comuneiros de Tameiga contra o Celta
Mentres varios proxectos industriais tentan privatizar e destruír os ecosistemas galegos, algúns grupos de veciños e veciñas organizadas fan oposición social construíndo alternativas comunitarias. Ás veces, tamén gañan ao xigante.
Ourense
Ourense Ourense organízase para loitar contra patrullas de extrema dereita nos barrios máis empobrecidos da cidade
A veciñanza e os movementos sociais responden ao discurso do medo promovido por Frente Obrero e sinalan a súa estratexia de criminalizar a pobreza e sementar odio en contextos de exclusión e abandono institucional.
O Salto medra contigo
Crowdfunding O Salto Galiza abre un crowdfunding para empapelar Altri
Queremos investigar os responsables políticos e empresarias do que podería ser o maior atentado ambiental da historia recente de Galiza.

Últimas

O Teleclube
O Teleclube 'O Teleclube' alucina no deserto con Óliver Laxe e 'Sirat'
Laxe leva o seu cuarto premio de Cannes, esta vez en competitición, polo seu novo filme que explosiona na gran pantalla.
A Catapulta
A Catapulta O tempo, o espazo e a poesía de Estíbaliz Espinosa
A poeta visita A Catapulta para conversar sobre o seu traballo e a súa traxectoria literaria

Recomendadas

Feminismos
Feminismo Dous anos sen reparación tras sufrir lesbofobia nun Rexistro Civil de Pontevedra cando ían inscribir a seu fillo
Un funcionario negouse a inscribir ao fillo de Antía e a súa parella. Un erro de redacción na lei trans está detrás dos argumentos que o funcionario esgrime para defender a súa actuación.
Culturas
Erika Lust y Sara Torres “El deseo tiene una potencia inagotable para transformar la realidad si lo liberamos de las normas”
Sexo, deseo o ética del placer son algunos de los temas que hilan la escritora Sara Torres y la productora de cine porno Erika Lust en ‘La abundancia del deseo’.
Medio ambiente
Medio ambiente Iberdrola proxecta un parque eólico que pon en risco un dos maiores xacementos fortificados de Galiza
A Xunta vén de declarar a utilidade pública para o parque eólico Castro Valente, a pesar de que a súa construción está suspendida cautelarmente polo Tribunal Superior de Xustiza de Galicia.