Política
Feijóo aforrou 23 millóns de euros a altos patrimonios no seu último ano como presidente da Xunta

As voces máis críticas avisaron daquela e os datos publicados onte pola Axencia Tributaria veñen a confirmalo. Alberto Núñez Feijóo aforrou 23 millóns de euros aos altos patrimonios galegos no seu último ano como presidente da Xunta. En 2022 o Imposto de Patrimonio estaba bonificado nun 25% grazas á axenda neoliberal de Feijóo en Galiza, para logo aumentar até o 50% a mans do agora presidente Alfonso Rueda en 2023. Diferentes caras, unha mesma folla de ruta. En 2022, 8.027 altos patrimonios galegos deberían ter pagado case 93 millóns de euros, pero grazas á bonificación do Goberno do Partido Popular aforraron 23 millóns de euros, 2.882 euros de media.

O número de declarantes é moi similar ao do ano anterior. En 2022, as persoas obrigadas a declarar o imposto foi de 8.634, dos que terían que pagar 8.027 tras varios tipos de exencións, fronte aos 8.559 declarantes e os 7.956 declarantes, o que supón un incremento do 0.88%. Estes altos patrimonios residentes en Galiza teñen unha media de 6.831.140 euros por cabeza.

A Xunta de Feijóo aplicou en 2022 varias rebaixas de impostos. A intención declarada polo entón presidente autonómico era, segundo as súas propias palabras, “facilitar chegar a fin de mes” aos cidadáns e evitar que Galiza fora parte do que considerou “unha subida indiscriminada” dos tributos no Estado español. A realidade, dito pola Axencia Tributaria, foi outra: quen máis notaron os cambios foron persoas con rendas entre medias e altas e contribuíntes cun patrimonio moi elevado.

Así evita os concursos da Xunta a empresa da irmá de Feijóo: cinco millóns en 1.311 facturas

Javier H. Rodríguez El Salto Datos

Política

Redes clientelares Así evita os concursos da Xunta a empresa da irmá de Feijóo: cinco millóns en 1.311 facturas

Javier H. Rodríguez ,  El Salto Datos

O Goberno galego encarga a Eulen, a empresa que Micaela Núñez dirixe no norte do Estado, centos de servizos fraccionados, sorteando a competencia do sector e deixando nunha decisión política a contratación pública.

Exclusiva A Xunta deu 4,8 millóns en contratos a dedo á empresa que dirixe a irmá de Feijóo en só cinco anos

Para as rendas máis avultadas da lista ou ben mantívose o statu quo ou apenas subiu un punto o tipo impositivo. Feijóo pechaba o 2021 anticipando unha rebaixa fiscal para o exercicio agora analizado por Facenda, cumprindo así una das súas promesas electorais abertamente liberalizadoras coas que se presentou aos últimos comicios que gañou, os autonómicos de 2020.