O Salto Galiza
Unha carta importante para a nosa comunidade lectora

Máis de 7.200 persoas deron o salto e apoian un xornalismo que nada ten a ver cos berros, os clickbaits e as novas patrocinadas. Un xornalismo que informa e sitúa, que reflexiona e comunica grazas aos milleiros de persoas subscritas. Elas supoñen o 70% do noso orzamento e pagan os salarios das 23 persoas agora empregadas —tres máis que en 2019—.

Somos un medio diferente porque para poder falar sen trabas e defender os dereitos e liberdades de todas, non recibimos nin un só euro de grandes empresas nin de lobbies corporativos. Non aceitamos diñeiro manchado de explotación laboral, de desafiuzamentos, de desigualdade. Tampouco sacamos tallada das empresas que mercadean cos teus intereses e as túas buscas por internet. Traballamos para que, en tempos difíciles, teñas un lugar seguro no que estar.

Durante os días máis duros de confinamento, n’O Salto volcámonos para que tiveses información útil e posicionada, así como análises repousadas e alternativas sociais ao desánimo. Destacamos o que estades a construir en cada barrio, en cada proxecto social, en cada marxe de esperanza para a pandemia. Denunciamos as condicións laborais das traballadoras en primeira liña e as carencias do sistema sanitario. Ofrecimos información laboral útil, denunciando abusos e inequidade e escribimos para que as medidas sociais, como frear os desafiuzamentos, se convertesen finalmente nunha realidade. E lembramos que outras, como o Ingreso Mínimo Vital, non están a funcionar correctamente, e que existen alternativas reais de xustiza social (renda básica). Achegámonos á infancia e á adolescencia, poñendo o acento no esquecemento das súas necesidades.

Multiplicamos contidos e páxinas vistas. Todo, grazas a ti, grazas a vos, porque nos considerades esenciais e así o sentimos desde redacción e o conxunto do proxecto. Tentamos tratar temas que che importan, temas que nos fan a todas sintonizar coa realidade de que camiñamos xuntas, porque estamos xunto a vos cando vos manifestades en defensa da sanidade pública, cando esixides inversión e recursos suficientes para a educación ou cando demandades máis servizos públicos para non termos que subir a transportes ateigados.

Agora é mais necesario que nunca que apoies un medio que visitas, gozas e partillas; un medio que te escoita, te acompaña e te coida.

Por iso, sempre imos tentar facerche sentir que escribes con nós. Pasa, ponte cómoda aquí, n’O Salto non cremos ter razón nin imos berrarche verdades nin a bombardearche con titulares incríbeis de noticias baleiras. En tempos de ruído, querémosche ofrecer análises pausadas para ler no baño, no sofá cun café ou mentres agardas o autobús ou no vagón do tren. O Salto é un lugar no que estar porque antes de respostar, preguntamos; antes de escribir, escoitamos.

N’O Salto, somos conscientes de que sabes o importante que é a existencia dun medio como este, máis aínda nestes tempos difíciles que vivimos, e os que están por vir. Por iso impulsamos o inquérito sobre a monarquía. E por iso, acabamos de dar un salto adiante e, contra toda lóxica empresarial, apostamos por medrar para che poder ofrecer máis contidos, mellores análises e novas temáticas que axuden a alumear unha realidade que ultimamente nos mortifica con excesiva frecuencia.

Mais este crecemento é unha aposta que precisamos que apoies coa túa subscrición.

Agora é máis necesario do que nunca que apoies un medio que visitas, disfrutas e partillas. Un medio que te escoita, te acompaña e te coida. Un medio ao que seguramente pensaras en ter apoiado en diferentes momentos mais que, por unha razón ou outra, remataches por deixar para outra ocasión. Off the record: a ocasión é esta.

Agora é máis necesario que nunca asegurar balcóns como O Salto desde onde poder contemplar o mundo dun xeito diferente para construirmos xuntos e xuntas alternativas esperanzadoras.

Temos o horizonte de chegar ás 10.000 subscricións. Para iso, precisamos roubarche tres minutos para que piques neste enlace, te subscribas e comeces a formar parte d’O SALTO.

Grazas de antemán por entenderes a importancia de cada subscrición.

Unha aperta,

Cooperativa Editorial O Salto