Trata
Club Ninfa’s do Carballiño: aberto a pesar de todo

O dono do prostíbulo que explotou sexualmente a muller atopada sen vida no punto limpo foi condenado en dúas ocasións, procurado pola Interpol e expulsado do Brasil.
ninfas artigo
Mobilización feminista pola morte de M. M. fronte ao club Ninfa's. Elena Buch

Tras o recente falecemento da brasileira M. M. na comarca do Carballiño, diversos axentes sociais apuntan á súa contorna e condicións de vida como posibles causantes da morte. Na tarde do pasado venres 18, feministas desprazadas desde distintos puntos de Galiza mobilizáronse para pedir xustiza e manifestar a súa oposición “ao sistema prostitucional e os proxenetas” perante o club Ninfa’s (Listanco), no que M. M. tiña exercido a prostitución e que desde hai máis de dúas décadas rexenta Aquilino González Iglesias.

ninfas concentracion
Mobilización feminista pola morte de M. M. fronte ao club Ninfa's. Elena Buch
Colectivos como Feminismo Unitario Vigo —que convocou unha concentración na cidade olívica— poñen o acento en que “a día de hoxe este local continúa aberto” e devolven ao debate público a polémica sentenza do 2016 que evitou que os donos do club entrasen en prisión, malia demostrarse que explotaran sexualmente mulleres procedentes de Goiás, como o era M. M. Porén, a de 2016 non era a primeira sentenza que condenaba a Aquilino pola súa actividade ao mando do prostíbulo, nin a primeira ocasión na que o Ninfa’s era obxecto de polémica.

Un negocio coma outro calquera

Corría o ano 2004 cando un equipo da liga Rexional Preferente galega era noticia en medios de comunicación de ámbito estatal, e non se debía a ningunha proeza futbolística. Tratábase do Club Deportivo O Carballiño, actual Club Deportivo Arenteiro, cuxas camisolas da temporada estaban patrocinadas polo club Ninfa’s.

Días despois de coñecerse isto, unha moza brasileira de 19 anos denunciaba, ao identificar a Aquilino na televisión, que chegara enganada no 2003 e estivera prostituíndose “por medo” durante catro meses no club Ninfa’s xunto a 40 mulleres máis, “algunhas menores”. Tras fugarse do local sería localizada por Aquilino González, que a obrigaría a prostituírse “baixo ameazas de morte” noutro establecemento que tamén xestionaba, o club Cóndor (Mos), de onde fuxiu novamente tras unha redada policial. De acordo coa asociación Alecrín, que a asistía, para intimidar as mulleres do club Ninfa’s “dixéronlles que a asasinaran”. Esta información púxose en coñecemento da Xustiza e foi investigada no Xulgado de Instrución número 2 do Carballiño.

“Unha moza denunciou que estivera prostituíndose “por medo” no club Ninfa’s xunto a 40 mulleres, “algunhas menores”. Tras fugarse sería localizada por Aquilino, que a obrigaría a prostituírse “baixo ameazas de morte” noutro local”

A presión social, dos medios e da Xunta —que ameazou con retirar as subvencións ao equipo de fútbol— conseguiu que o C.D. O Carballiño mudase o patrocinio dúas semanas despois. “Eu diría que foi unha hipocrisía, déronlle un bombo que me asustou”, declarou o presidente do equipo ao diario AS.

Pola súa parte, Aquilino González afirmou nunha entrevista para La Voz de Galicia que tiña a conciencia moi tranquila ao respecto e continuaba á procura de novos patrocinios: “Seguirei colaborando co mundo do deporte, sempre que poida”. E, efectivamente, deseñou unha eficaz estratexia publicitaria.

ninfas 2
Vehículo do Ninfa's Team nunha imaxe publicitaria que estivo aloxada no sitio web do equipo de rally.

O piloto Chelís Gómez e o seu Mitsubishi Lancer Evo IX foron a aposta de Aquilino. O vehículo competiu nos anos 2005, 2006 e 2007 coa silueta dunha muller recostada e o logo amplamente visible do club Ninfa’s ante os centos de nenos e adultos que seguían os rallies como espectadores. O Ninfa’s Team foi a sensación daqueles anos e a súa web era obxecto de diversión e comentarios xocosos pola publicidade tan invasiva que nela se facía do prostíbulo. A páxina incluía fotografías para fixar como fondo de pantalla nas que o Mitsubishi quedaba semioculto por mulleres en bikini.

“O piloto Chelís Gómez e o seu Mitsubishi Lancer Evo IX foron a aposta de Aquilino. O vehículo competiu co logo do club Ninfa's ante centos de nenos e adultos que seguían os rallies”

Lonxe quedaba aquela denuncia por explotación sexual de 2004. Diversos medios presentaban a Aquilino como un empresario máis e nunca lle faltou clientela, a xulgar porque nin sequera pensou en cambiarlle o nome ao club para desvinculalo daqueles feitos. Ao contrario, procurou facelo ben visible e gañarse o respecto da veciñanza e a fama de ‘mecenas do pobo’ a través dos patrocinios, disfrazados de apoio ao deporte local, ou neste caso ao rally.

Unha operación policial practicada no 2006 poñería fin ao Ninfa’s Team e mantería a Chelís fóra das competicións durante sete anos ante a ausencia de empresas dispostas a asumir un investimento en publicidade tan custoso como o que requiría o seu equipo.

Os anos de Aquilino no Brasil

O 6 de setembro do 2006 Aquilino viaxa a São Paulo ao ter sospeitas de que o investigaba a Policía Nacional en España. Porén, as pescudas estábanse levando a cabo de maneira coordinada coa Policía Federal do Brasil, país no que Aquilino tiña unha estrutura de captación de mulleres establecida no Estado do Goiás, de maneira que foi inmediatamente arrestado xunto ao resto de investigados —outros 9 en Brasil e 21 en España— e encarcerado en prisión preventiva á espera de ser xulgado en Goiânia (capital do Goiás).

De acordo con La Voz de Galicia, as denuncias a través da asociación Alecrín de varias mulleres explotadas sexualmente que non se coñecían entre si resultaron cruciais para iniciar as indagacións policiais. As forzas de seguridade calculaban, segundo El Correo Gallego, que arredor de 200 mulleres terían sido trasladadas a España baixo engano, contraendo unha débeda que debían saldar prostituíndose en varios locais nos que serían maltratadas, e os donos distribuían cocaína aos clientes e ás propias mulleres. A cocaína é habitualmente empregada polos proxenetas como mecanismo para fidelizar as mulleres, que recorren a ela para soportar o ritmo de vida e render sexualmente, pero a cambio xéralles adicción e incrementa a súa débeda económica.

A rede que se estaba investigando era de tipo familiar. Por unha banda, Aquilino González Iglesias e os seus fillos Aquilino e Solimar González Freire capitaneaban o negocio en España. Pola outra, Magna P. C. M., irmá da entón parella sentimental de Aquilino González Iglesias, Mônica G. C. M., dirixía desde Goiânia a rede de captación.

Tras quedar en liberdade condicional, unha cidadá anónima contactou coa Policía e comunicoulle que acababa de recoñecer a Aquilino acompañado de tres mulleres ás que estaba mercando roupa: “Está facendo iso de novo”

A prisión preventiva de Aquilino concluíu aos dous meses da detención, quedando en liberdade condicional. O 13 de febreiro de 2007 unha cidadá anónima contactou coa Policía e comunicoulle que acababa de recoñecer a Aquilino no centro comercial Flamboyant acompañado de tres mulleres ás que estaba mercando roupa: “Está facendo iso de novo”. A Policía comprobaría a denuncia revisando as gravacións das cámaras de seguridade e descubriría que xa lles comprara o billete para voar o día seguinte. Dependentas das tendas de roupa citadas a declarar como testemuñas ratificárono e engadiron que Aquilino abordou incluso a unha das vendedoras para recrutala. Ante a súa negativa, Aquilino respondería: “Entón, queda aí gañando trescentos reais”.

O episodio non quedou reflectido en ningunha sentenza ao non chegar a consumarse o delito, pero sería empregado nun auto xudicial como argumento para manter a partir dese instante a Aquilino en prisión preventiva ata ter sentenza firme pola causa iniciada no 2007: “É un individuo que fai da prostitución a súa fonte de renda” sen desincentivos “para reincidir na conduta criminal, pois é este o seu medio de vida: o club Ninfa’s continúa activo”. “Unha vez cos pés fóra da penitenciaría, ou delinquirá novamente ou, o que é máis probable: fuxirá para coidar os seus negocios [...] e gozar dos milleiros de euros que atesourou”.

No 2008 Aquilino foi condenado a prisión xunto a tres cómplices no Brasil. A sentenza probou que a estrutura de captación que controlaba Magna levaba operativa cando menos desde o 2002, e que entre xaneiro de 2005 e xuño de 2006 o lucro obtido da explotación sexual excedía o millón e medio de euros. A condena inicial de Aquilino, de 13 anos e 3 meses, foi rebaixada no 2009 nunha sentenza en firme a 9 anos e 11 meses sen que os feitos probados nin os tipos delituosos sufrisen modificacións: tráfico de persoas entre 2005 e 2006 —12 mulleres en total— e dirección do crime organizado.

“Aquilino foi posto en liberdade condicional en abril do 2010 tras cumprir parte da súa condena en prisión. Apenas uns meses máis tarde, lograra fugarse sen autorización xudicial para saír do país”

De acordo co previsto no Código de Execución Penal de Brasil, Aquilino foi posto en liberdade condicional en abril do 2010 tras cumprir parte da súa condena en prisión. Apenas uns meses máis tarde, tal como recolle o Diario de Xustiza do Estado de Goiás, ordenábase o seu retorno a prisión e comunicar a orde ao Consulado de España: Aquilino lograra fugarse sen autorización xudicial para saír do país. Mentres tanto, prescribíralle estando en Brasil unha causa aberta no 2001 por receptación, isto é, venda de mercadorías roubadas.

Operación Ninfas

En xullo do 2013, unha operación coordinada pola Policía Nacional española e a Policía Federal brasileira arresta en Ourense a Aquilino González Iglesias, xunto aos seus fillos Solimar e Aquilino e a parella deste último, de orixe brasileira, así como unha quinta familiar do clan proxeneta que acabaría sendo absolta. En Brasil eran detidas simultaneamente cinco persoas por recrutar mulleres para ser explotadas sexualmente.

A Policía Federal brasileira solicitaría daquela á Interpol a inclusión de Aquilino González Iglesias na listaxe vermella de buscados a fin de garantir a súa deportación para cumprir condena no Brasil no caso de saír de prisión en España.

“A Policía Federal brasileira solicitaría daquela á Interpol a inclusión de Aquilino González Iglesias na listaxe vermella de buscados”

Nesta causa xulgouse a trata de mulleres desde o ano 2010 —nada máis retornar Aquilino a Ourense— ata o ano da operación Ninfas. Segundo as pescudas policiais, a familia de Aquilino amasara unha fortuna de 3 millóns de euros por medio da explotación sexual de mulleres procedentes de Brasil e Venezuela nos clubs que xestionaban: Ninfa’s (Listanco), Os Corzos (Verín) e Goldfinger (Oia). No relato de feitos probados quedaría reflectido que os acusados impoñían normas, horarios e un sistema de débeda que contraían ao chegar a España. Tamén se demostrou a captación de cinco mulleres brasileiras e dúas venezolanas entre 2011 e 2013.

A Fiscalía pediría inicialmente unha suma de 33 anos de prisión para Aquilino, os fillos e a nora. Porén, os acusados anticiparon unha indemnización conxunta de 9.000 euros ás dúas testemuñas protexidas do caso e recoñeceron os feitos, polo que a Fiscalía lles ofreceu unha rebaixa de condenas ata os 18 meses por cabeza polos delitos de grupo criminal e inmigración clandestina con ánimo de lucro, apoiándose en que os acusados non tiñan antecedentes penais —en España—.

A pena imposta —que evitaba o ingreso en prisión— sería, ademais, suspendida ao cabo de dous anos a cambio do compromiso de non delinquir durante ese período. Porén, nin se ordenou o peche do club Ninfa’s nin se impediu á familia de Aquilino continuar coa mesma actividade, a efectos de evitar a reincidencia. A sentenza asinouse na Audiencia Provincial de Pontevedra no 2016, concretamente un 8 de marzo. O comportamento da Fiscalía no xuízo provocou a reacción da Rede Galega contra a Trata, que denunciou a “falta de dilixencia na persecución destes delitos”.

“A pena imposta sería suspendida ao cabo de dous anos a cambio do compromiso de non delinquir durante ese período. O comportamento da Fiscalía no xuízo provocou a reacción da Rede Galega contra a Trata”

Tras a sentenza, desde Brasil prohibiuse a entrada de Aquilino González mediante orde de expulsión do territorio e a súa ficha retirouse da listaxe de procurados pola Interpol. Na actualidade, o club Ninfa’s segue operativo. Dúas sentenzas xudiciais non abondaron, sequera, para que Aquilino se vise forzado a modificar o nome do establecemento.

Perder a vida pedindo axuda

Segundo declaracións de Aquilino González Iglesias, M. M. exercera a prostitución no club Ninfa’s, actualmente traballaba alí como camareira —aínda que estaba de baixa por depresión— e planeaba casar esa mesma semana co seu fillo, Aquilino González Freire. Fontes da investigación consideran que xa contraeran matrimonio esa semana e, segundo explicou a La Región unha amiga íntima que M. M. tiña en Goiânia, “levaba unhas semanas moi triste” e tivera discusións co seu sogro.

“Segundo a hostaleira do bar da estación de autobuses do Carballiño, M. M. tiña moito medo e pedía axuda porque dicía que a querían matar”

De acordo coa investigación, o sábado 12 de marzo, M. M. entrou en dous bares do Carballiño en pixama pedindo auxilio visiblemente nerviosa. Nos dous casos, ofrecéronse a chamar á Policía para que a atendese, ante o que fuxiu dos negocios. Segundo a hostaleira do bar da estación de autobuses do Carballiño, tiña moito medo e pedía axuda porque dicía que a querían matar. Minutos despois foi interceptada pola Garda Civil de Tráfico deambulando pola autovía cara Maside, que a trasladaron ao Punto de Atención Continuada (PAC) do Carballiño por sospeitas de maltrato. Segundo fontes consultadas por El País, M. M. narrou episodios de maltrato contraditorios e negouse a denunciar, tras o que abandonou o PAC sen que a Garda Civil activase o protocolo VioGén para vítimas que non denuncian. Por este motivo, o corpo armado abriu unha investigación interna.

M. M. foi atopada sen vida na noite do 12 ao 13 de marzo por un operario do camión do lixo ao baleirar os residuos recollidos dos contedores no punto limpo do Carballiño. Se ben a investigación aínda se atopa nas fases iniciais, actualmente a Garda Civil descarta que se trate dun homicidio en base aos testemuños recadados e sostén que posiblemente se introducise nun contedor tras sufrir un brote psicótico e falecese accidentalmente no traxecto do camión do lixo ao punto limpo.

Informar de un error
Es necesario tener cuenta y acceder a ella para poder hacer envíos. Regístrate. Entra na túa conta.

Relacionadas

País Vasco
PROXENETISMO EN EL OASIS VASCO El proxeneta de Aduna es la punta del iceberg de una red de clubes juzgada por fraude fiscal
Las mujeres que trabajaban en el Club Txapela eran desplazadas periódicamente a otros clubes de alterne controlados por los proxenetas del “clan La Rosa”.
Caso Carioca
Caso Carioca O caso Carioca a través dunha migrante explotada sexualmente: indemnización mínima e complot policial
O garda civil Armando aliábase con proxenetas e abusaba sexualmente de mulleres prostituídas facendo uso da súa capacidade para regularizar a súa situación.
Caso Carioca
Caso Carioca Unha violación, cinco abusos a prostitutas e dez delitos dun garda civil rebáixanse a catro anos de cárcere
Un axente e tres proxenetas benefícianse, na peza principal do caso Carioca, de chegar coa Fiscalía a acordos de conformidade encubertos formalmente baixo a celebración dun xuízo completo que non se produciu.
Laboral
Laboral Coidar sen dereitos: a loita das traballadoras nas residencias privadas de Galiza
Sen tempo nin medios para ofrecer uns coidados axeitados, alertan dunha situación insostible nos centros e denuncian a privatización dun servizo a costa do benestar das persoas maiores e dependentes.
Galicia
Galicia Vigo, A Coruña e Ourense mercaron material policial a Israel por medio millón de euros en só catro anos
O alcalde ourensán, Gonzalo P. Jácome, adxudicou un contrato por 70.000 euros días despois do sete de outubro. Abel Caballero asinou outro de máis de 200.000 euros e a alcaldesa da Coruña seguiu a estela cun contrato de 170.000 euros.
A Catapulta
A Catapulta O mapa afectivo conectado a través da poesía
O poeta, escritor e dinamizador Tiago Alves visita A Catapulta e reflexiona sobre as conexións na lusofonía
LGTBIAQ+
Juicio el 9 de mayo Lidia Falcón pide cinco años de cárcel a una mujer trans por un tuit de 2021 que no la menciona
La activista antiderechos Lidia Falcón denunció a Diana Juan Cano en 2021 por un tuit que apenas tuvo repercusión. La acusación pide una pena de cinco años de prisión y 50.000 euros de indemnización.
Senegal
Migraciones El mito de la migración ordenada: la denegación de visados por el Consulado de España en Dakar
Maltrato institucional. Estas dos palabras son las más escuchadas cuando se pregunta a personas descontentas con el Consulado de España en Dakar. Cada vez más personas denuncian denegación de visados que no consideran justificados.
Francia
Francia Militantes e intelectuales exigen la absolución de Anasse Kazib, perseguido por su apoyo a Palestina
El Estado francés utiliza el tipo penal de “apología del terrorismo” para perseguir a personalidades y colectivos que han mostrado su apoyo a Palestina y su repulsa al genocidio cometido por Israel.

Últimas

Medio ambiente
Medio ambiente Máis de 200 colectivos esixen transparencia sobre a mina Doade e piden a intervención do Parlamento Europeo
Organizacións de toda Europa, lideradas por SOS Suído-Seixo, esixen a Bruxelas acceso á documentación sobre a explotación prevista, denunciando opacidade, privilexios empresariais e risco ambiental en zonas protexidas de Galiza.
La vida y ya
La vida y ya Espacios de encuentro
Me contaba que, al final del día, le dolían mucho las manos y que había dejado de escribir. Que ya no llevaba el cuaderno pequeño que tenía para anotar ideas que luego se transformarían en artículos o poemas.
Gobierno de coalición
Gobierno de coalición Sánchez piensa en un paréntesis legislativo para evitar roces con los socios tras una semana explosiva
El choque bronco por el caso de las compras de balas israelíes a cargo de Grande Marlaska puso sobre la mesa como nunca la ruptura de la coalición, aunque nunca fue una opción.
Opinión
Opinión “Tener correa” y la ridiculización del afecto
Existe una presión muy fuerte sobre los propios hombres para que no amen demasiado, no cuiden demasiado. El ideal de “libertad masculina” tradicionalmente se entiende como independencia, desapego, y muchas veces, desinterés.
Que no te lo cuenten
Que No Te Lo Cuenten De armas y crisis climática
VV.AA.
Repasamos la actualidad política internacional y miramos los visibles efectos de la crisis climática en la costa mediterránea
Más noticias
Comunidad de Madrid
LGTBifobia Femen protesta contra las terapias de conversión en un acto de la familia de psiquiatras Rojas Estapé
El movimiento Femen ha querido denunciar públicamente la relación de esta familia con sectores ultraconservadores de la Iglesia y su postura abiertamente contraria a los derechos del colectivo LGTBIQ+
València
València Convocan una huelga general contra Mazón el próximo 29 de mayo
CGT, CNT, COS e Intersindical llaman a la movilización por la gestión de la Dana, los recortes y la situación de acceso a la vivienda.

Recomendadas

Guinea-Bissau
Internacional Guinea-Bissau arranca una ola de represión tras el sabotaje popular de una mina de arena en un parque natural
Una acción liderada por las mujeres del pueblo de Varela provocó un incendio en la bomba de extracción de la mina de arena pesada. El Gobierno ha llevado a cabo la detención de 16 personas, entre las que se encuentran líderes locales.
Turquía
Pinar Selek “Turquía sigue gobernada en base al miedo”
La profesora y socióloga turca, quien ha sufrido además de cárcel, un acoso judicial por 27 años, habla de la falta de independencia del poder judicial, del adoctrinamiento social y de la formación de la sociedad turca.
Medio ambiente
Medio ambiente Que papel xoga Abanca no proxecto da celulosa de Altri en Galiza?
A sociedade público-privada Impulsa Galica, que cimentou os primeiros plans da multinacional papeleira e Greenalia está participada fundamentalmente pola Xunta e polo banco que xurdiu da desastrosa fusión das caixas de aforro galegas.