CRTVG - Corporación Radio y Televisión de Galicia
A TVG, condenada a rectificar por difundir unha información falsa sobre o BNG

A xustiza condena tamén ao director do ente público, Alfonso Sánchez Izquierdo, pola nova onde se afirmaba erradamente que o BNG non enviara representantes a un evento organizado pola Xunta e mais a Fundación Castelao para dar inicio ao Ano Castelao.
TV Gallega Rueda
O presidente da CRTVG, Alfonso Sánchez Izquierdo, canda o presidente da Xunta, Alfonso Rueda.

O Xulgado de Primeira Instancia Nº 5 de Santiago de Compostela ditaminou que o director da Corporación Radio Televisión de Galicia, Alfonso Sánchez Izquierdo, deberá rectificar no Telexornal unha información incorrecta emitida en xaneiro. Nesa nova, afirmábase que o BNG non enviara representantes a un evento organizado pola Xunta e mais a Fundación Castelao para dar inicio ao 'Ano Castelao' o cal é falso.

A resolución xudicial, asinada o martes 25 de febreiro e feita pública este xoves, dá a razón ao Bloque na súa demanda contra o ente público ao recoñecer o seu dereito a que a información sexa rectificada nos espazos informativos. O fallo considera insuficiente a mensaxe publicada nas redes sociais da TVG, onde se admitía o erro.

A sentenza obriga á CRTVG a emitir a rectificación no Telexornal Mediodía, o mesmo espazo no que se difundiu a noticia, nun prazo de tres días desde que o fallo sexa firme. Porén, a resolución aínda non é definitiva, xa que cabe a posibilidade de presentar un recurso de apelación.

A nova, situada entre a previsión meteorolóxica e a sección deportiva, comeza coa locución do presentador, quen asegura que o BNG “non estivo” na cerimonia celebrada o luns no Panteón dos Galegos Ilustres. Porén, a dito acto asistiron varios membros do partido, entre eles a súa viceportavoz parlamentaria, Olalla Rodil, e a alcaldesa de Santiago, Goretti Sanmartín.

Tras a introdución do presentador no informativo da televisión pública galega, incluíronse declaracións do conselleiro de Cultura, José López Campos, nas que reprocha ao Bloque a organización dun “acto paralelo” en Pontevedra en homenaxe ao intelectual falecido no exilio en 1950.

A difusión desta información xerou a reacción do BNG, que enviou unha carta ao director xeral da corporación, Alfonso Sánchez Izquierdo, esixindo unha rectificación “inmediata”, ao considerar que se trataba dun “bulo” e dunha “groseira manipulación” na que tamén sinalaban como “cómplice” ao conselleiro de Cultura.

Aproximadamente 20 minutos despois de que o BNG comunicara aos medios o envío da súa queixa oficial, a conta da CRTVG na rede social 'X' publicou unha mensaxe na que corrixía o contido emitido no Telexornal horas antes.

“A CRTVG fíxose eco hoxe da controversia pola existencia de dous actos polo 75º aniversario do falecemento de Castelao, celebrados o mesmo día. Na introdución desta noticia no noso Telexornal Mediodía, díxose que non asistiran representantes do BNG a un deses actos, o da Fundación Castelao”, sinala a mensaxe da entidade pública.

A continuación, admite que ese “dato” é “evidentemente un erro”, xa que “na propia información” emitida o 7 de xaneiro sobre a cobertura do acto en Santiago, a TVG “ofreceu varios planos” nos que aparecían Olalla Rodil e Goretti Sanmartín durante o evento.

Informar de un error
Es necesario tener cuenta y acceder a ella para poder hacer envíos. Regístrate. Entra na túa conta.

Relacionadas

RTVE
Laboral El Supremo condena a RTVE por no reservar plazas para personas con discapacidad en sus oposiciones
El Ente debe crear ahora al menos 30 puestos con este perfil en su proceso, el 7% al que obliga a la ley a las empresas públicas. Los sindicatos denunciaron que la televisión pública no cumplía ni siquiera con el 2%.
Medios de comunicación
Kike García “El Mundo Today ha preferido el espíritu fanzinero al empresarial”
Kike García es cofundador y cara reconocible de ‘El Mundo Today’, diario satírico que cada día afronta el reto de superar en disparates a la actualidad.
Medios de comunicación
Precarización en Canal Extremadura Denuncian “la precarización” de Canal Extremadura en la cobertura del cónclave del Vaticano
Más de 100 trabajadores de los medios han denunciado ante la dirección del ente público la grabación del evento sin operador de cámara y con un teléfono móvil.
Medio rural
Medio rural A esperanza da xestión colectiva fronte ao espolio: os comuneiros de Tameiga contra o Celta
Mentres varios proxectos industriais tentan privatizar e destruír os ecosistemas galegos, algúns grupos de veciños e veciñas organizadas fan oposición social construíndo alternativas comunitarias. Ás veces, tamén gañan ao xigante.
Ourense
Ourense Ourense organízase para loitar contra patrullas de extrema dereita nos barrios máis empobrecidos da cidade
A veciñanza e os movementos sociais responden ao discurso do medo promovido por Frente Obrero e sinalan a súa estratexia de criminalizar a pobreza e sementar odio en contextos de exclusión e abandono institucional.
O Salto medra contigo
Crowdfunding O Salto Galiza abre un crowdfunding para empapelar Altri
Queremos investigar os responsables políticos e empresarias do que podería ser o maior atentado ambiental da historia recente de Galiza.
Feminismos
Feminismo Dous anos sen reparación tras sufrir lesbofobia nun Rexistro Civil de Pontevedra cando ían inscribir a seu fillo
Un funcionario negouse a inscribir ao fillo de Antía e a súa parella. Un erro de redacción na lei trans está detrás dos argumentos que o funcionario esgrime para defender a súa actuación.

Últimas

O Teleclube
O Teleclube 'O Teleclube' alucina no deserto con Óliver Laxe e 'Sirat'
Laxe leva o seu cuarto premio de Cannes, esta vez en competitición, polo seu novo filme que explosiona na gran pantalla.
A Catapulta
A Catapulta O tempo, o espazo e a poesía de Estíbaliz Espinosa
A poeta visita A Catapulta para conversar sobre o seu traballo e a súa traxectoria literaria

Recomendadas

Medio ambiente
Medio ambiente Iberdrola proxecta un parque eólico que pon en risco un dos maiores xacementos fortificados de Galiza
A Xunta vén de declarar a utilidade pública para o parque eólico Castro Valente, a pesar de que a súa construción está suspendida cautelarmente polo Tribunal Superior de Xustiza de Galicia.
Culturas
Erika Lust y Sara Torres “El deseo tiene una potencia inagotable para transformar la realidad si lo liberamos de las normas”
Sexo, deseo o ética del placer son algunos de los temas que hilan la escritora Sara Torres y la productora de cine porno Erika Lust en ‘La abundancia del deseo’.