Urbanismo
A Universidade de Vigo construíu sen licenza un centro de investigación na illa de Toralla

A institución, que gastou medio millón na obra, recoñece que non ten título habilitante, pero argumenta que “non o necesita”. Nin o Concello de Vigo nin Facenda teñen rexistro algún da construción malia tela empezado en 2017.

A Universidade de Vigo (UVigo) construíu sen licenza un centro de investigación en Toralla, unha illa cun alto valor histórico e patrimonial, ocupada desde os anos sesenta polas clases máis adiñeiradas da comarca e situada en pleno centro neurálxico das Rías Baixas. Trátase do CIM-Mesocosmos que, cun custo de medio millón de euros de diñeiro público, foi levantado sen título urbanístico habilitante e, ademais, nun chan rústico de protección de costas de dominio público marítimo-terrestre.

Así o confirmou a esta redacción o vicerreitor de Planificación e Sustentabilidade da universidade, José Cidrás: “Nós limitámonos a avisar ao Concello da obra que iamos facer e entendemos que o silencio xa nos habilitaba para esas obras”. En cambio, nin o Concello de Vigo, responsable da legalidade urbanística no seu termo municipal, nin a Dirección Xeral do Catastro teñen rexistrada esta construción. Non existe nin no inventario inmoble do plan urbanístico de Vigo nin tampouco no rexistro do Catastro a pesar de comezar a licitación, como explican desde a UVigo, en 2017.

Preguntadas pola relevancia deste rexistro e confirmada a súa actualización constante, fontes do Ministerio de Facenda son claras respecto diso: “Todo o que non está rexistrado no Catastro, coa súa correspondente documentación urbanística, atópase en situación irregular”. Á pregunta sobre a ausencia de rexistro algún da construción na Dirección Xeral do Catastro, os técnicos que asesoran ao Vicerreitorado de Planificación e Sustentabilidade non parecen aclararse en conversación co Salto: “Iso é un trámite administrativo moi menor, aquí o relevante son as licenzas”. Preguntadas as mesmas fontes polas existencias desa licenza, a resposta contradise e cuestiona o traballo desta redacción: “Non procede licenza neste tipo de actuacións sobre dominio público. É o que entendemos e o que falamos co Concello (...) A vosa batalla non debería ser contra a universidade”.

Máis aló da utilidade ou non do centro de investigación en cuestión, que non é obxecto de crítica nesta información, a Universidade de Vigo non remitiu ningunha documentación que acredite a regularización desta construción. A Consellería de Educación, Ciencia, Universidades e Formación Profesional, dirixida por Román Rodríguez (Partido Popular), desvinculouse por completo da actuación urbanística: “As universidades son entidades con autonomía xurídica propia. Teñen autonomía para contratar, decidir o seu goberno, etc. Polo tanto, a Consellería de Educación non ten competencia na materia á que vostedes se refiren”.

CIM Toralla
Instalacións do centro de investigación da UVigo na illa de Torallla.

O Concello de Vigo, responsable da emisión de licenzas urbanísticas na cidade, preferiu non contestar a ningunha das preguntas feitas polo Salto. Algo que vén sendo habitual desde que este diario destapou a simulación pactada dun concurso millonario para a contratación dun concerto dunha banda de rock e que até obrigou ao Colexio de Xornalista de Galiza a reprendelo por bloquear o traballo dos e das xornalistas. Nin en que situación legal se atopa esta construción nin se houbo ou non comunicacións coa Universidade de Vigo nin tampouco se coñecía ou non esta situación.

toralla construcción
Localización exacta do centro de investigación da UVigo. | Google Maps.

Cando a Xunta de Feijóo construíu sen licenza nas Illas Cíes

Non é ningunha novidade que unha institución galega constrúa sen licenza nun arquipélago. A hemeroteca recente é unha testemuña. Esta redacción revelou na primavera de 2023 como a Xunta de Alberto Núñez Feijóo construíra e reformara sen licenza naves e chalés nas Illas Cíes, pertencentes ao Parque Nacional das Illas Atlánticas. Evidenciando un posible conflito de intereses dentro do propio Goberno galego.

A situación é paradoxal xa que a Axencia para a Protección dá Legalidade Urbanística, dependente da Consellería de Medio Ambiente, está a investigar unhas presuntas ilegalidades nun Parque Nacional que tamén depende da mesma consellería. A falta de transparencia e a ausencia de documentos que acrediten a legalidade das construcións pon en dúbida a xestión dos fondos públicos utilizados para estas obras, que foron xustificadas no marco do Plan Español para o Estímulo da Economía e o Emprego, popularmente coñecido entón como Plan E.

A construción máis notable é a de dúas naves nun terreo de uso agrario, que, a pesar de realizarse fai máis de dez anos, non están rexistradas no na Dirección Xeral do Catastro nin na relación de bens inmobles da Xunta. Malia que a Consellería de Medio Ambiente afirmou que estas naves eran módulos de emerxencia para a seguridade cidadá, non puido proporcionar a documentación que apoie a súa construción.

Ademais, realizáronse ampliacións en polo menos tres vivendas residenciais destinadas ao persoal do parque, preto da praia de Rodas, unha das áreas máis protexidas de Galiza. Estas ampliacións tampouco están debidamente rexistradas no Ministerio de Facenda e a Xunta tampouco puido argumentar a súa legalidade. As obras levaron a cabo despois de 2009, na etapa en que Feijóo era presidente do Goberno galego. A irregularidade foi descuberta tras unha reclamación anónima e a información verificouse mediante a Sede Electrónica do Catastro do Ministerio de Facenda, onde se constatou que as construcións non están rexistradas correctamente.

Para contrastar que a construción non está regularizada, calquera persoa pode cruzar a seguinte referencia catastral na Sede Electrónica do Ministerio de Facenda e Función Pública co inventario de bens inmobles da Universidade de Vigo. Pódese observar como a construción non existe en ningunha das bases de datos a pesar de comezar o seu proceso de creación en 2017: 6422551NG1762S0001AZ.

Informar de un error
Es necesario tener cuenta y acceder a ella para poder hacer envíos. Regístrate. Entra na túa conta.

Relacionadas

A Catapulta
A Catapulta O mapa afectivo conectado a través da poesía
O poeta, escritor e dinamizador Tiago Alves visita A Catapulta e reflexiona sobre as conexións na lusofonía
Laboral
Laboral Coidar sen dereitos: a loita das traballadoras nas residencias privadas de Galiza
Sen tempo nin medios para ofrecer uns coidados axeitados, alertan dunha situación insostible nos centros e denuncian a privatización dun servizo a costa do benestar das persoas maiores e dependentes.
Medio ambiente
Medio ambiente Máis de 200 colectivos esixen transparencia sobre a mina Doade e piden a intervención do Parlamento Europeo
Organizacións de toda Europa, lideradas por SOS Suído-Seixo, esixen a Bruxelas acceso á documentación sobre a explotación prevista, denunciando opacidade, privilexios empresariais e risco ambiental en zonas protexidas de Galiza.
Laboral
Laboral Coidar sen dereitos: a loita das traballadoras nas residencias privadas de Galiza
Sen tempo nin medios para ofrecer uns coidados axeitados, alertan dunha situación insostible nos centros e denuncian a privatización dun servizo a costa do benestar das persoas maiores e dependentes.
Galicia
Galicia Vigo, A Coruña e Ourense mercaron material policial a Israel por medio millón de euros en só catro anos
O alcalde ourensán, Gonzalo P. Jácome, adxudicou un contrato por 70.000 euros días despois do sete de outubro. Abel Caballero asinou outro de máis de 200.000 euros e a alcaldesa da Coruña seguiu a estela cun contrato de 170.000 euros.
Genocidio
Genocidio Activistas crean la embajada de Palestina en Bruselas mientras Israel prosigue con su asedio en Gaza
Mientras los ataques de Israel sobre la Franja de Gaza ya han dejado más de 51.490 muertos, activistas han rociado de sangre un edificio que simula ser la embajada de Palestina, dejando un rastro de pintura roja hasta la embajada del Estado sionista.
A Catapulta
A Catapulta O mapa afectivo conectado a través da poesía
O poeta, escritor e dinamizador Tiago Alves visita A Catapulta e reflexiona sobre as conexións na lusofonía
Análisis
Análisis La izquierda donde rompe la ola
El crecimiento electoral de un amplio abanico de fuerzas de extrema derecha desde hace unos años complica la consecución de decisiones a nivel de la UE.

Últimas

Medio ambiente
Medio ambiente Máis de 200 colectivos esixen transparencia sobre a mina Doade e piden a intervención do Parlamento Europeo
Organizacións de toda Europa, lideradas por SOS Suído-Seixo, esixen a Bruxelas acceso á documentación sobre a explotación prevista, denunciando opacidade, privilexios empresariais e risco ambiental en zonas protexidas de Galiza.
LGTBIAQ+
Juicio el 9 de mayo Lidia Falcón pide cinco años de cárcel a una mujer trans por un tuit de 2021 que no la menciona
La activista antiderechos Lidia Falcón denunció a Diana Juan Cano en 2021 por un tuit que apenas tuvo repercusión. La acusación pide una pena de cinco años de prisión y 50.000 euros de indemnización.
Francia
Francia Militantes e intelectuales exigen la absolución de Anasse Kazib, perseguido por su apoyo a Palestina
El Estado francés utiliza el tipo penal de “apología del terrorismo” para perseguir a personalidades y colectivos que han mostrado su apoyo a Palestina y su repulsa al genocidio cometido por Israel.
La vida y ya
La vida y ya Espacios de encuentro
Me contaba que, al final del día, le dolían mucho las manos y que había dejado de escribir. Que ya no llevaba el cuaderno pequeño que tenía para anotar ideas que luego se transformarían en artículos o poemas.
Gobierno de coalición
Gobierno de coalición Sánchez piensa en un paréntesis legislativo para evitar roces con los socios tras una semana explosiva
El choque bronco por el caso de las compras de balas israelíes a cargo de Grande Marlaska puso sobre la mesa como nunca la ruptura de la coalición, aunque nunca fue una opción.
Más noticias
Opinión
Opinión “Tener correa” y la ridiculización del afecto
Existe una presión muy fuerte sobre los propios hombres para que no amen demasiado, no cuiden demasiado. El ideal de “libertad masculina” tradicionalmente se entiende como independencia, desapego, y muchas veces, desinterés.
Que no te lo cuenten
Que No Te Lo Cuenten De armas y crisis climática
VV.AA.
Repasamos la actualidad política internacional y miramos los visibles efectos de la crisis climática en la costa mediterránea
Comunidad de Madrid
LGTBifobia Femen protesta contra las terapias de conversión en un acto de la familia de psiquiatras Rojas Estapé
El movimiento Femen ha querido denunciar públicamente la relación de esta familia con sectores ultraconservadores de la Iglesia y su postura abiertamente contraria a los derechos del colectivo LGTBIQ+
València
València Convocan una huelga general contra Mazón el próximo 29 de mayo
CGT, CNT, COS e Intersindical llaman a la movilización por la gestión de la Dana, los recortes y la situación de acceso a la vivienda.

Recomendadas

Senegal
Migraciones El mito de la migración ordenada: la denegación de visados por el Consulado de España en Dakar
Maltrato institucional. Estas dos palabras son las más escuchadas cuando se pregunta a personas descontentas con el Consulado de España en Dakar. Cada vez más personas denuncian denegación de visados que no consideran justificados.
Guinea-Bissau
Internacional Guinea-Bissau arranca una ola de represión tras el sabotaje popular de una mina de arena en un parque natural
Una acción liderada por las mujeres del pueblo de Varela provocó un incendio en la bomba de extracción de la mina de arena pesada. El Gobierno ha llevado a cabo la detención de 16 personas, entre las que se encuentran líderes locales.
Turquía
Pinar Selek “Turquía sigue gobernada en base al miedo”
La profesora y socióloga turca, quien ha sufrido además de cárcel, un acoso judicial por 27 años, habla de la falta de independencia del poder judicial, del adoctrinamiento social y de la formación de la sociedad turca.