Casas de apuestas
O xogo en Galiza, unha aposta perdida?

A preocupación pola proliferación de casas de apostas nas vilas e cidades galegas vai en aumento. Cada vez máis sectores sociais entenden este tipo de xogo como unha ameaza real para a mocidade e a clase traballadora. A Xunta presentou un anteproxecto de lei en xuño de 2019.

Casas de apostas Galiza
Un momento da mobilización do 6 de outubro de 2019 contra as casas de apostas en Compostela. Pablo Santiago

Cada vez máis noticias alertan do aumento da afición ao xogo online e ás apostas entre a mocidade. Para amplos sectores da xente nova, as apostas deportivas e o xogo a través de internet son xa un xeito de lecer. Semella que o perfil do xogador vai rexuvenecendo e nos bares, ao carón das máquinas comecartos, irromperon as de apostas.

Sector del juego
Xogar coas voltas do café?

Analizamos, a partir dun estudo sociolóxico realizado na Universidade da Coruña (UDC), a proliferación dunha cultura do xogo que cada vez medra máis nos barrios populares das cidades, coa complicidade de axencias publicitarias, personaxes públicas e grandes corporacións que alimentan de xeito irresponsable unhas pautas de consumo que acaban en adición e no sometemento da poboación a débedas moi elevadas.

Movementos sociais, psicólogos e organizacións de persoas afectadas pola ludopatía sitúan no centro do debate o cuestionamento dun modelo de diversión baseado no xogo para conseguir diñeiro fácil. Moitas voces piden maior compromiso lexislativo das administracións públicas, unha regulación máis estricta da publicidade deste tipo de actividade e limitación da apertura de novas casas de apostas nos barrios entre outras reivindicacións.

As CONSECUENCIAS DO XOGO

A primeira vez que Jose apostou —nome ficticio xa que prefire non ser identificado— tiña 16 anos. Fíxoo nunha máquina dunha cafetería. Seis anos despois está pluriempregado para poder facer fronte ás debedas que contraeu xogando. “Empezas botando un euro a partidos de fútbol e pensas que vendo deporte podes gañar cartos”, comenta. Tras pasar dous anos xogando en máquinas, ao cumprir a maioría de idade comezou a apostar online: “Tiven que esperar a ter os 18 anos porque tes que pór o teu DNI, está algo máis controlado, aínda que sempre podes usar o de outra persoa”. Unha vez que se afecciona a apostar o seu xeito de ver fútbol muda totalmente e ve os partidos “esperando cartóns amarelos, goles, saques de banda… É unha animalada a de cousas ás que lle podes apostar”, continúa.

Jose chegou a apostar nun día 950 euros e 2000 nunha semana. “Vía as apostas como un ingreso fixo na miña vida e moitas veces fixen plans sociais en base ao que podería gañar nelas”, afirma. Moitas veces o xogo combínase co alcohol xa que os prezos nos casinos e nos bingos son máis baixos, polo que "incita a beber antes alí que nos bares normais". Foi por iso que o inicio de Jose no xogo foi máis por diversión que polos cartos: “Tómaste dous cubatas e gastas dez euros na ruleta. Co alcohol estás deshinibido e non es moi consciente dos gastos que estás a facer”, apunta.

“Estiven mal meses. Xogas 500, pérdelos e pídesllos a un colega pensando que vas gañalos con beneficios”

Segundo Agalure —asociación que dá cobertura a persoas afectadas por ludopatía— o arranque co xogo segue a ser maioritariamente coas máquinas comecartos. Porén desde o ano 2017 detectan unha “mudanza moi significativa” coa irrupción das apostas deportivas. Deste xeito afirman que no xogo online “as apostas deportivas son o principal atractivo dos ludópatas”, seguidas moi de perto polo póker. Conseguir diñeiro para seguir xogando convírtese nunha prioridade e os xogadores tratados por esta asociación “teñen problemas sobre todo con entidades de préstamos rápidos e se extenden tamén ás empresas nas que traballan e á mesma familia, xa que se producen apropiacións de diñeiro”, comentan. Por mor disto son frecuentes denuncias e problemas de tipo legal.

Cando Jose comeza a caer na adición ao xogo os problemas económicos aparecen con forza. Comeza a “a pedir cartos para apostar, contando que cos beneficios das apostas ía a poder devolver eses cartos e incluso gañar máis”. Do mesmo xeito engana tamén á súa propia familia, o que fai que aumenten os nervios e a ansiedade. Aí comeza unha espiral na que chega a arriscar máis cartos dos que ten. Pasa a deber diñeiro a terceiros porque “tras perder este diñeiro, quixen gañar de novo a través do xogo. "Estiven mal meses. Xogas 500, pérdelos e pídesllos a un colega pensando que vas gañalos con beneficios” confesa.

Jose deixou de apostar unha vez que entendeu que o xogo lle estaba a causar custes demasiado elevados tamén na saúde: “Ansiedade, agresividade, bipolaridade, inestabilidade, ves cambios na túa propia personalidade”. Desde Agalure afirman que o “ 85 dos casos tratados saen da ludopatía e consiguen ter unha nova vida sen que o xogo volte interferir nas súas vidas”. Se ben advirten que o “ludópata é unha persoa que cando sufre unha ludopatía convive con ela toda a vida, polo que unha vez rehabilitada ten que seguir unhas pautas de comportamento para evitar as recaídas”.

A FUTURA LEI DA XUNTA

En xaneiro de 2019 eran 136 as casas de apostas abertas en Galiza. A Coruña e Vigo son as cidades galegas con maior número delas con, respectivamente, 24 e 25 establecementos seguidas de Ourense , Compostela, Pontevedra, Lugo e Ferrol. O 3 de xuño do mesmo ano a Xunta presenta ante a Comisión do Xogo de Galicia un borrador do que será a nova normativa do sector que actualizará a regulación vixente, do ano 1985.

Nun comunicado, o goberno galego marcaba como un dos principais obxectivos adaptarse ás novas realidades e regular un xogo responsábel. “Inclúense novedades coma o reforzo dos controis ou as limitacións no número de establecementos”, enfatizaban. Na mesma liña deberanse alonxar 150 metros todas as casas de apostas dos institutos a nivel radial, e deberán ter unha separación de 300 metros como mínimo entre elas. Porén, 2019 remata sen que esta lei iniciara aínda o seu trámite parlamentar.

As apostas online ninguén as controla e non hai nin que saír de casa.

Algo que critican desta proposta lexislativa os colectivos sociais é que non se regulen ás apostas por internet. Entendendo que hai tres vías para apostar —en salóns, bares e online—, os expertos sinalan que o xogo a través da rede ten moito maior potencial adictivo. “Ninguén o controla e non fai falta saír da casa” explica Antonio Rial Boubeta, psicólogo e profesor da USC que realizou un estudo sobre menores e o xogo en Galiza no mes de xullo de 2019. “É moi fácil saltarse os controis. Usando un DNI dun maior de idade é suficiente, ou empregando tarxetas nas que podes cargar diñeiro só cun correo electrónico” engade.

Na lei non se permitirán tampouco a apertura de novos salóns de xogo nin casas de apostas. No que ten que ver coas máquinas, habendo perto de 3.200 no país, os bares galegos poderán introducir 400 máis. Neste caso, establecerase un control para menores similar aos das máquinas de tabaco tendo que activalo cun mando. Deste xeito Galiza será a primeira comunidade autónoma que implante este sistema. “A lei debe ser respaldada con controis periódicos”, subliña Antonio Rial.


Pese o maior risco de adicción que hai nas apostas online, o profesor afirma que “nos bares está o factor de sociabilización e de accesibilidade”. A xuventude acode acotío a apostar nos recreos e nas horas libres do instituto, mudando os seus “rituais sociais” de integración nos grupos. Segundo o estudo do profesor universitario, cerca dun 70% dos que apostan fanno nos bares, e o que é aínda máis preocupante, “só a dous de cada dez se lles pide o DNI ao entrar”, conclúe.


O anteproxecto de lei é disuasorio, pero mellora a situación cuns mínimos

Antonio Rial participou nos grupos de negociación para a futura Lei do xogo autonómica, á que califica como principalmente “disuasoria, mais que mellora a situación cuns mínimos razoábeis”. Explica que as chaves da lei deben ser desnormalizar o xogo, sensibilizar sobre os seus problemas e reducir a accesibilidade ás apostas. No caso dos menores, este experto sinala como de vital importancia que se traballe na prevención ambiental: na escola e na familia. Así, segundo o estudo realizado polo profesor Rial, seis de cada dez pais saben que os seus fillos apostan sen seren “conscientes dos problemas de ansiedade, angustia, pequenos roubos na casa, nerviosismo ou incluso síntomas depresivos aos que pode levar a adicción ao xogo”, enfatiza. “Hai que prever a ludopatía antes de que se diagnostique, debemos ser conscentes de que os nosos fillos poden apostar” subliña Antonio xa que, segundo os datos dos que dispón, dos varóns de entre 16 e 17 anos, o 52% deles xa apostou algunha vez na súa vida.

“O xogo será a adicción da próxima década”

Pese aos avances que pode traer a nova Lei do Xogo, expertos na prevención de riscos falan da necesidade dunha lei marco estatal. Destacan “valeiros legais” como que por exemplo a Xunta de Galiza poida restrinxir a publicidade nos medios públicos galegos, mais non na Liga de Fútbol Profesional. Por outra banda moitos comentaristas de fútbol, coma Juanma Castaño, animan a apostar durante os partidos de fútbol.

A demanda do xogo triplicouse nos últimos catro anos. “As administración estatais non están investindo cartos en estudios rigurosos con mostras amplias para actualizarse” comenta Rial. Neste sentido é salientábel que o último estudo que hai a nivel estatal fose financiado por Codere —empresa adicada ao sector do xogo— e feita a través da Universidade Pública Rey Juan Carlos. Antonio Rial é claro e tamén pensa que “hai que arriscarse e meterse na lama, tamén na ONCE e nos Xogos e Apostas do Estado”.

Antonio Rial sostén que o xogo será a adicción da próxima década. “Diferenciándoo da heroína, é un problema máis difícil de velo chegar” sinala e pregúntase: “Hai dispositivos para tratar as adiccións as drogas con substancias, mais como se trata a ludopatía?”.

ORGANIZACIÓN SOCIAL

Ante o impacto que o xogo pode estar tendo entre sectores vulnerábeis como a mocidade traballadora e a proliferación de casas de apostas nos barrios populares, as organizacións sociais e políticas comezan a mobilizarse. Un dos exemplos diso é a Asemblea Aberta Contra a Impunidade das Casas de Apostas de Compostela.

O 6 de outubro de 2019 houbo concentracións en diferentes cidades de Galiza. En Compostela os manifestantes percorreron as distintas casas de apostas sinalándoas como un problema para a mocidade e a clase traballadora. Alejandro Suárez, un dos activistas da Asemblea de Compostela, ten claro que “o xogo online evidentemente nin é un lecer saudábel nin digno, o que acontece é que tampouco hai moitas máis alternativas”. Para este estudante de 18 anos a “xuventude cada vez ten menos opcións —xa sexa polo prezo ou pola ausencia de lugares— de ir praticar un deporte”. Segundo Suárez o éxito das casas de apostas entre a mocidade é que parece sair máis económico: “Cervexas a un euro, comida barata e non tes que te preocupar de nada nin tes que facer esforzo físico ningún porque chegas ali, sentas e xa está”. Neste sentido pensa que a súa xeración “xa non sae á rúa” e pensa que cada vez o “lecer consiste máis neste tipo de cousas que, ao final, só conducen á dependencia e á miseria”.

“O xogo online evidentemente nin é un lecer saudábel nin digno"

Sobre a nova proposta lexislativa do goberno da Xunta, Suárez considera positivo que exista unha limitación á apertura de máis casas de apostas. Sen embargo pensa que hai que ter en conta que en Galiza hai arredor de 136 casas de apostas co cal “quen queira apostar vai apostar igual” e que “as apostas online son máis perigosas que as apostas físicas porque xa se aposta desde casa, sen necesidade de moverse e hai máis dificultade para evitar o acceso a menores de idade”. Na opinión deste activista sería necesario “abolir a publicidade deste tipo de xogo totalmente”, no mesmo sentido pensa que non ten sentido conscienciar á mocidade con “que hai que apostar con responsabilidade, que é un pouco polo que advoga o Estado”. Polo contrario pensa que a mensaxe ten que ser que non hai “por que apostar porque non é sano e porque vai chegar un momento no que te vas enganchar e só vas perder carros e non vas chegar a ningún lado”.

“As apostas online son máis perigosas que as apostas físicas porque xa se aposta desde casa, sen necesidade de moverse e hai máis dificultade para evitar o acceso a menores de idade”

Mentres estes sectores da mocidade din pular por un “lecer digno”, preocupados polo enorme incremento de casas de apostas nos últimos dez anos nas cidades galegas, outros nutren os salóns e xogan nos bares. Basta con entrar nun coñecido establecemento de Compostela para comprobalo. Son as 18:00 hrs dun día de decembro calquera. No interior do salón conviven dúas áreas claramente delimitadas. Nunha delas, o Bingo, só dúas mesas son ocupadas por menores de 30 anos, o resto son ocupadas por un público maduro e de persoas solitarias que xogan os seus cartóns. A uns poucos metros hai outra estancia. Trátase dun salón organizado como se dunha cafetería se tratase con varias televisións onde se retransmiten distintos partidos de fútbol. Sentados en mesas varios grupos de rapaces, atendidos por un camareiro, consumen refrescos de cola, miran os partidos e conversan. Separadas por un fino panel de cristal están as máquinas de apostas.

Informar de un error
Es necesario tener cuenta y acceder a ella para poder hacer envíos. Regístrate. Entra na túa conta.

Relacionadas

Adicciones
Opinión Mamá, soy adicto
Móviles, soledad, pobreza y adicción frente a comunidad, cuidados y la redimensión completa de la vida fuera de los muros del capital.
Adicciones
Adicciones Navidad: regalar, celebrar y... consumir
Para las personas con adicciones, la Navidad no es una época fácil: los riesgos de consumo se multiplican por la accesibilidad a sustancias, las situaciones de presión social y la variabilidad emocional.
#45321
1/1/2020 14:07

Grandísimo traballo. 👏 Ese 52%, que dato máis estarrecedor...

2
0
#45152
27/12/2019 20:18

Desde logo que as apostas son unha ferramenta máis de alienación por parte do capital

3
0
Contaminación
Contaminación Un municipio galego demanda á Xunta pola contaminación do encoro das Conchas
A veciñanza das Conchas, na comarca da Limia, leva á Xunta ao Tribunal Superior de Xustiza de Galicia pola contaminación provocada debido á cría intensiva de gando porcino e avícola.
Infancia
Infancia Reforma de la ley de infancia: cinco claves para proteger a las madres protectoras
El Ministerio de Infancia y Juventud ha iniciado un proceso para ampliar esta norma aprobada en 2021. Varias organizaciones dan las claves para evitar el castigo a las madres protectoras.
Guerra en Ucrania
Conflicto bélico Rusia y Ucrania acuerdan un principio de alto el fuego marítimo a instancias de Estados Unidos
La Casa Blanca emite dos comunicados que coinciden en señalar una tregua en el Mar Negro y en prometer trabajo para el final de los ataques energéticos por ambas partes.

Últimas

AGANTRO
Agantro Tatuaxe: terapia e tendencia
Da marxinación á moda, o carácter simbólico e ritual da tatuaxe atópase actualmente erosionado polas dinámicas capitalistas.
Salario mínimo
Salario mínimo PSOE y Sumar intentan llegar a un acuerdo para no perjudicar con el IRPF a los trabajadores con el SMI
La ministra de Hacienda ha confirmado que sería “algún tipo de medida que permita compensar a aquellos pocos trabajadores” en la situación de tener que tributar con el salario mínimo.
Opinión
Opinión Es el militarismo, amigo, el militarismo
¿Puede que si el militarismo es la solución para todo, realmente no solucione nada, sino que realmente sea el problema?
Residencias de mayores
Residencias Fondos de inversión y residencias: la mano invisible que retuerce los cuidados
Mientras DomusVi, en manos del fondo de inversión ICG, ya es la empresa con más residencias privadas del Estado, residentes, familiares y trabajadoras explican lo que supone que las prácticas especulativas acunen la vejez de las personas.
Música
Kiliki Frexko “No me interesa el arte político que te dice qué pensar o cómo deben ser las cosas”
Tras años de trabajo colectivo, Kiliki Frexko presenta su primer proyecto en solitario. ‘Iltze 1’ es un paso adelante en su trayectoria, donde mezcla referencias, explora nuevos sonidos y habla desde un lugar más personal, sin perder el filo.
Más noticias
Granada
Urbanismo 146.574 m² de solares vacíos en Granada por disfrutar
“¿Y si estos espacios no estuvieran esperando al próximo gran inversor? ¿Y si ya fueran nuestros?” esta y otras reflexiones sobre la especulación inmobiliaria en un proyecto artístico exhibido en el Centro José Guerrero
LGTBIfobia
Manifestación Plataforma Trans planta cara a la transfobia con una manifestación contra el odio
La convocatoria el 29 de marzo denuncia un contexto internacional antiderechos. La organización pide a partidos y sindicatos que se sumen a la marcha porque la transfobia es un problema social, y por lo tanto también político, explican.
Opinión
Opinión Bretón no es un monstruo, ni Martín el nuevo Capote
Frente a la libertad sin peros que defienden unos, la responsabilidad de muchos: la de ciudadanos y librerías que se niegan a comprar o vender, respectivamente, el libro que Anagrama ha tenido a bien materializar.
Música
Música Pervertidos y puritanos, a los pies de Ethel Cain
Proyectos musicales como ‘Perverts’ de Ethel Cain son capaces de imponer silencio en medio de tanto ruido para pensar en un momento en que las redes sociales son herramientas tendenciosas para la difusión de propaganda de ultraderecha.

Recomendadas

Medio ambiente
Medio ambiente Milleiros de persoas enchen A Pobra do Caramiñal para berrar contra a celulosa de Altri e a mina de Touro
Unha grande multitude por terra e centos de embarcacións por mar esíxenlle ao Goberno de Alfonso Rueda que “recúe” ante o potencial desastre ambiental que sobrevoa Galiza.
Guerra en Ucrania
Guerra en Ucrania Colegios underground en Járkov después de tres años de guerra
La ciudad ucraniana construye escuelas subterráneas, preparadas para aguantar ataques balísticos y nucleares.
Feminismos
Irene García Galán “La memoria feminista hay que construirla desde abajo, desde nuestras casas”
‘Hilaria’ (Errata Naturae, 2025) es un libro dedicado a la tatarabuela de Irene García Galán, pero también un ensayo político que navega a través de la memoria feminista, el antipunitivismo y el anarquismo.