Contaminación
A Confederación Hidrográfica sancionará ao Celta polas verteduras da súa cidade deportiva declarada ilegal

A Confederación Hidrográfica Miño-Sil vén de informar sobre a apertura dun expediente sancionador ao Real Club Celta de Vigo debido a verteduras de augas residuais procedentes da súa Cidade Deportiva Afouteza, situada en Mos (Pontevedra), e declarada ilegal polo Tribunal Superior de Xustiza de Galiza ao constatar que as licenzas urbanísticas nas que fundamentou a súa construción foron absolutamente irregulares. Esta acción foi motivada polas denuncias presentadas por Ecoloxistas en Acción tras detectar verteduras de augas residuais no monte comunal de Pereiras, no municipio da comarca de Vigo.

O Goberno tomba o intento da Xunta de regularizar a cidade deportiva do Celta declarada ilegal

Javier H. Rodríguez

Galicia

Galiza O Goberno tomba o intento da Xunta de regularizar a cidade deportiva do Celta declarada ilegal

Javier H. Rodríguez

A Confederación Hidrográfica Miño-Sil emite un informe que bota por terra os intentos da Xunta de declarar Proxecto de Interese Autonómico pola porta de atrás unha cidade deportiva con centro comercial en montes comunais expropiados.

A notificación emitida pola Confederación Hidrográfica, á que tivo acceso este medio, explica que a sanción débese a unha “vertedura directa, sen autorización administrativa previa do organismo de conca, de augas residuais procedentes das instalacións de depuración que recolle as augas pluviais e de escorrentía das instalacións de depuración do Real Club Celta de Vigo á canle dun arroio o día 22 de maio de 2024 no lugar de Pereiras”.

Os ecoloxistas sinalan que a súa denuncia inclúe os resultados dunha análise que mostra “unha altísima concentración de fecais e tamén a presenza de varios compostos químicos asociados ás pesticidas e fertilizantes orgánicos habitualmente utilizados no coidado e mantemento dos campos de fútbol”.

Expediente sancionador inco... by El Salto periódico

Desde Ecoloxistas en Acción tamén destacan que “queda claro que o Concello de Mos recoñece xa que a tubaxe procedente das instalacións do Celta é un emisario do aliviadoiro dunha cuba de recollida de pluviais e augas residuais das regas. Esta auga recollida arrastra material fecal dos abonos orgánicos e compostos químicos dos praguicidas utilizados no mantemento dos campos de fútbol”.

A organización considera que este acto constitúe un “delito contra os recursos naturais e o ambiente”, ademais de supor un risco para a saúde pública, xa que hai mananciais próximos á zona afectada.

“A infiltración nos mananciais de produtos contaminantes pode afectar as familias usuarias e á clausura das captacións de auga, deixando a miles de fogares sen auga”, sentenza Xaquín Pastoriza, coordinador local de Ecoloxistas en Acción.