Galego
Miles de persoas desbordan a praza da Quintana para mudar o rumbo da lingua galega

Varios miles de persoas de centos de organizacións políticas, sindicais, sociais e culturais concentráronse este domingo na praza da Quintana de Santiago de Compostela (A Coruña) para denunciar a extrema emerxencia lingüística na que se atopa a lingua propia de Galiza. Convocada pola Plataforma Queremos Galego, a concentración desenvolveuse baixo o lema “Mudemos o rumbo. Polo futuro do galego”. Alí, no palco da Quintana, leuse un manifesto unitario asinado por máis de 150 colectivos de toda a sociedade civil galega. Ademais, á plataforma pertencen preto doutras 600 organizacións.

'Sotaques': Galegos que soan diferente

VV.AA.

Galego

'Sotaques': Galegos que soan diferente

VV.AA.

Persoas estranxeiras contan por que falan galego.

A xornalista Tareixa Navaza foi a encargada de ler a declaración unitaria pola lingua, na que cualifican o galego como “garantía de dignidade, de prosperidade e da mellor ferramenta para avanzar xuntos en todos os ámbitos”. Tódalas entidades asinantes instaron á Xunta a iniciar un proceso “transparente, amplo e con participación das entidades sociais galegas”, dotado de calendario de aplicación inmediata, mecanismos de avaliación e recursos. Un proceso que debe partir, segundo explican, dos obxectivos contemplados nos acordos comúns xa asumidos como a Lei de Normalización Lingüística, a Lei Paz Andrade ou o Plan Xeral de Normalización de 2004.

Dende Queremos Galego, apuntan que reverter esta situación de emerxencia é posíbel “co compromiso de todas e todos, comezando polas institucións galegas e os colectivos sociais”. “Cómpre, en primeiro lugar, asegurar o dereito de uso do galego e o deber de correspondelo con presenza e disposición como indicaba o PXNLG que a pesar do desleixo da Xunta e de non se ter posto en práctica nos último 15 anos, mantén obxectivos plenamente vixentes. O PXNLG, como grande acordo nacional pola lingua, debe ser reactivado como punto de partida dunha nova política a favor do noso idioma e da súa normalización”, recalcan.

O galego é lingua minoritaria por primeira vez e descoñecida para un terzo dos menores de 15

Fran Pérez Alma López Figueiras

Galego

Galego O galego é lingua minoritaria por primeira vez e descoñecida para un terzo dos menores de 15

Fran Pérez ,  Alma López Figueiras

Os datos publicados polo Instituto Galego de Estatística evidencian un significativo retroceso xeracional no coñecemento e uso do galego.