Medio ambiente
Máis de 200 colectivos esixen transparencia sobre a mina Doade e piden a intervención do Parlamento Europeo

A plataforma galega SOS Suído-Seixo, xunto con outras 229 organizacións civís de nove países da Unión Europea, dirixiu unha carta aberta a Roberta Metsola, presidenta do Parlamento Europeo, para esixir acceso público á documentación que permitiu declarar o proxecto da mina Doade como estratéxico baixo a Lei Europea de Materias Primas Críticas.

O polémico proxecto mineiro, impulsado pola empresa RMG (grupo SAMCA) na localidade de Doade (Beariz, Ourense), foi duramente cuestionado por comunidades locais, asociacións medioambientais e culturais, que denuncian a falta de transparencia e a exclusión da cidadanía no proceso de toma de decisións.

Bruxelas cava fondo: litio galego para o novo militarismo europeo

Alba Cambeiro

1

Minería

Minaría Bruxelas cava fondo: litio galego para o novo militarismo europeo

Alba Cambeiro

1

No medio do rearme ordenado pola UE, Galiza entra no ámbito xeopolítico como potencial provedor de litio para a industria de defensa. Un enclave de alto valor ecolóxico en Doade (Ourense) converterase en canteira de baterías militares.

Industria militar España deberá aumentar el gasto militar otros 20.000 millones de euros para cumplir con el rearme de la UE

A carta, enviada pola Federación Galega de Ecoloxistas en Acción, inclúe a firma de 28 entidades directamente afectadas polo proxecto, como seis Comunidades de Montes Veciñais, ANPAs, asociacións de veciños e colectivos ambientais. Ademais, conta co respaldo de organizacións de referencia como Amigas da Terra, Enxeñería Sen Fronteiras, ADEGA ou o Sindicato Labrego Galego.

As organizacións critican que a designación como “proxecto estratéxico” outorga vantaxes administrativas e económicas ás empresas, como permisos exprés ou acceso prioritario a financiamento, ao tempo que impide unha participación cidadá efectiva e rigorosa.

“Queremos exercer o noso dereito a acceder á información pública e ambiental en procedementos que determinan a nosa permanencia ou non nos territorios que habitamos”, afirman desde SOS Suído-Seixo

A mina Doade, situada nunha zona de alto valor ecolóxico entre as serras do Suído e Cando, atópase nunha área pendente de ampliación da Rede Natura 2000. Para os colectivos asinantes, isto representa unha grave ameaza ambiental que ignora criterios de conservación e sustentabilidade.

A denuncia enmárcase nunha preocupación máis ampla: a implementación da Lei Europea de Materias Primas Críticas, considerada polos grupos asinantes como opaca, acelerada e favorecedora de prácticas extractivistas en territorios vulnerables.

“A sociedade civil europea non será minada nin silenciada”, proclama o manifesto

SOS Suído-Seixo advirte que continuará mobilizándose a nivel local, estatal e europeo, e anunciará proximamente unha nova campaña para esixir aos gobernos municipais que apoien ás comunidades afectadas.

“A auga é estratéxica, as nosas aldeas representan modelos reais de transición ecolóxica. As leis acabarán dándonos a razón, porque non se poden negar as evidencias”, conclúe o comunicado.