O prelo
Un conto para amizarnos co silencio

“A visita”, de Núria Figueras e Anna Font, achega a importancia da introspección ao público máis novo
Prelo A visita
Portada do libro "A visita, de Núria Figueras e Anna Font Branca Trigo Cabaleiro
11 feb 2024 06:00

Non son alarmista en canto ás novas tecnoloxías. Entendo que a rapazada cada vez aprenda antes a empregar unha tablet, que imite os xestos des súes proxenitores collendo obxectos coma se fosen un teléfono móbil, que use expresións descoñecidas para as xeracións anteriores. Porén, é indubidable que a forma en que nos relacionamos co mundo e con nós mesmes está a mudar, e un dos elementos que se bota en falta é o silencio. A recepción constante de información quítanos tempo de reflexión para procesala. A comunicación inmediata coas amizades, coa familia e (por desgraza) coa contorna laboral impide que teñamos unha comunicación interna efectiva. Cada vez pensamos máis en voz alta. Pois iso quero recomendar hoxe o álbun ilustrado gañador do Premio Compostela 2023: A visita, de Núria Figueras e Anna Font.