Partido Popular
A empresa do cuñado de Feijóo obtivo 200.000 euros en contratos a dedo da Xunta mentres era presidente

A empresa da que é director comercial o cuñado de Alberto Núñez Feijóo obtivo 204.076,18 euros en contratos menores, é dicir, a dedo, da Xunta de Galiza mentres o agora líder do Partido Popular aínda era presidente do Goberno galego. A sociedade de telemarketing que dirixe comercialmente Ignacio Cárdenas, irmán da parella de Feijóo, Universal Support, que non ten relación algunha co sector sanitario, foi unha das favoritas da Xunta para encargarlle o rastrexo de casos de covid-19 nas datas máis duras da pandemia entre 2020 e 2022. O primeiro contrato obtívoo en decembro de 2021 por un valor de 33.318,56 euros e en concepto de “call center”; e o segundo, na mesma data, por un montante de 170.757,62 euros, a pesar de que o máximo é de 15.000 euros para servizos e de até 40.000 euros para obras, segundo o establecido pola Lei de Contratos do Sector Público para que un encargo a medios privados non teña que ser adxudicado a través de concurso público.

Ademais, o Goberno galego, dirixido nesa altura por Núñez Feijóo, non fixo públicos os contratos no momento en que llos adxudicou sen concurso á empresa de Ignacio Cárdenas Botas, senón que tardou catro meses en cumprir coa Lei de Transparencia. Coincidencia ou non, a Consellería de Sanidade, dirixida por Julio García Comesaña, publicounos no portal de transparencia o 27 de abril de 2022, dous días antes de que o entón presidente galego fixese oficial a súa dimisión para emprender o camiño para converterse en líder da oposición no Congreso dos Deputados.

A Xunta deu 4,8 millóns en contratos a dedo á empresa que dirixe a irmá de Feijóo en só cinco anos

Javier H. Rodríguez El Salto Datos

Partido Popular

Exclusiva A Xunta deu 4,8 millóns en contratos a dedo á empresa que dirixe a irmá de Feijóo en só cinco anos

Javier H. Rodríguez ,  El Salto Datos

A empresa Eulen, capitaneada no norte do Estado por Micaela Núñez Feijóo, levou 1.311 contratos adxudicados sen concurso por un valor total de 4.832.029,85 euros repartidos entre todas as administracións dependentes do Goberno galego.

Exclusiva Unha empresa dispara a súa facturación coa Xunta tras fichar ao marido da secretaria xeral do PP galego

Hoxe mesmo, o diario Público revela como a mesma empresa adxudicouse 19,2 millóns de euros máis en licitacións coa Consellería de Sanidade (Sergas) dedicadas, tamén, ao rastrexo de casos de coronavirus durante a pandemia. Algúns deles mesmo sendo a oferta máis cara de todas as presentadas. Desta forma, o diario relata como o irmán de Eva Cárdenas, parella e nai do fillo de Alberto Núñez Feijóo, obtivo un convenio co Servizo Galego de Saúde (Sergas) por valor de 4.058.533,72 euros en abril de 2022 con para desenvolver labores de seguimento telemático de casos de coronavirus en Galiza malia ser a oferta máis cara das que conseguiron acceder á última fase da licitación.

Segundo a investigación do mesmo diario, como resultado dese acordo marco, Universal Support, unha empresa propiedade da multinacional Konecta, subscribiu 25 contratos adicionais coa Xunta de Galiza, os cales súmanse aos 17 obtidos entre 2020 e 2022 a través do procedemento de contratación de emerxencia, é dicir, tamén sen a necesidade dun concurso público. Estes 17 contratos xeraron á empresa ingresos por valor de 15,2 millóns de euros pola prestación de servizos de atención telefónica e rastrexo de casos durante a emerxencia sanitaria.

O Goberno galego repartiu 4.000 millóns de euros en contratos a dedo en só seis anos

Javier H. Rodríguez El Salto Datos

Investigación

Investigación O Goberno galego repartiu 4.000 millóns de euros en contratos a dedo en só seis anos

Javier H. Rodríguez ,  El Salto Datos

Desde 2018, a Xunta asinou 1.034.964 contratos sen sacalos a concurso: algo máis do 30% do diñeiro do que dispón para o exercicio de 2024. Ademais, 35.362 deses contratos teñen un importe entre 14.000 e 14.999 euros, o límite legal.

Exclusiva A Xunta deu 4,8 millóns en contratos a dedo á empresa que dirixe a irmá de Feijóo en só cinco anos

Os familiares do PP conseguen contratos sen concurso coa Xunta

Non é o cuñado de Alberto Núñez Feijóo o único agraciado nas contratacións sen concurso público de organismos dependentes do Goberno galego. Nas últimas semanas O Salto foi debullando a árbore xenealóxica dos máis altos cargos do Partido Popular de Galiza, os seus vínculos empresariais e todas as contratacións a dedo que foron obtendo. Primeiro foi o marido de Paula Prado, secretaria xeral do PPdeG, Francisco Antonio Otero Illodo, cuxa fichaxe pola empresa Allwork Vestiario Laboral disparou as súas contratacións públicas durante a pandemia até facerse con 145.975,72 euros vendendo sobre todo equipos de protección individual. Antes de que o marido de Prado, Francisco Antonio Otero Illodo, entrase a participar a sociedade ao 50% apenas conseguiran un contrato de 182 euros.

A esta historia seguiulle a da empresa de seguridade, limpeza e servizos sociosanitarios Eulen, capitaneada no noroeste do Estado español por Micaela Núñez Feijóo, irmá do líder do Partido Popular, que levou 1.311 contratos adxudicados a dedo e sen concurso público por un valor total de 4.832.029,85 euros soamente entre 2018 e 2023. Conseguiuno repartindo centos de contratos entre todos os organismos dependentes do Goberno galego, que contrataron de forma recorrente con familiares de altos cargos do partido, como consellerías, axencias públicas, consorcios, organismos autónomos, fundacións do sector público, sociedades mercantís públicas e outros entes como institutos sectoriais ou centros de innovación.