Política
O PSdeG sancionará os seus concelleiros en Santiago por desobedecer e votar si a limitar pisos turísticos

O pleno do Concello de Santiago de Compostela deu luz verde este luns á ordenanza que regula a comunicación das vivendas de uso turístico (VUT), co respaldo dos concelleiros do PSOE, que desobedeceron a directriz da dirección local do partido que ordenaba a abstención para buscar unha derrota política do Goberno de BNG e Compostela Aberta. O seis concelleiros do PSOE enfrontáronse así ao secretario xeral do seu partido en Santiago, Aitor Bouza, que se afanou a última semana en crear un relato paralelo no que a norma nada tiña que ver con ilegalizar VUT. Para iso utilizou as canles oficiais do partido e as súas contas satélite nas redes sociais. A última medida tras a desobediencia dos concelleiros? Ameazalos con sancións.

O PSOE tomba a ordenanza de Santiago de Compostela para ilegalizar 600 pisos turísticos

Javier H. Rodríguez

Política

Vivenda O PSOE tomba a ordenanza de Santiago de Compostela para ilegalizar 600 pisos turísticos

Javier H. Rodríguez

A agrupación municipal do PSdeG decidiu absterse e polo tanto botar abaixo a normativa que pretendía acabar coas VUT que non teñen habilitación municipal e que se vota o vindeiro luns.

Vivenda As vivendas turísticas dispáranse en Galiza: multiplican por 20 a súa presencia nas cidades só dende 2017

Contra o aparello local, media ducia de concelleiras atrevéronse a enfrontarse á súa dirección. “Somos plenamente conscientes das consecuencias e hoxe decidimos ser leais e consecuentes. Leais coa cidade e co que defende o PSOE en España e en Galicia”, declarou a concelleira socialista Mercedes Rosón, visiblemente emocionada durante o Pleno municipal e nun vídeo que correu pola rede. Sostivo que optar pola abstención, como o esixía a dirección local, tería o “mesmo resultado que votar en contra” e sería, en esencia, “non apoiar un texto que, aínda que é un trámite administrativo, xorde dunha medida socialista”.

A responsabilidade de gobernar é superior ás sinxelas promesas para contentar a todo o mundo

Fomos valentes no 2023 regulando a vivendas de uso turístico

Hoxe volvemos ser valentes, por compromiso e lealdade e votamos a favor dunha ordenanza que é unha medida socialista pic.twitter.com/5XghjjcZl3

— Mercedes Rosón 🍉 (@mrosonf) June 24, 2024

“Hoxe é un deses días nos que unha pregúntase se a política merece a pena e creo que si que merece”, comezou a súa intervención a concelleira do PSOE, explicando que foi o goberno socialista liderado por Xosé Sánchez Bugallo, do cal ela formaba parte, o que implementou con “valentía” a actual regulación. Por iso, argumentou que a abstención sería caer no “tacticismo político” só para buscar unha derrota do Goberno actual. “Caeriamos de inmediato no mesmo que acusamos á señora Sanmartín”, mencionou en referencia á abstención do BNG no mandato anterior.

A dirección do PSOE compostelán abre expedientes por desobedecer

Como medida de corrección para tratar de disciplinar aos seus concelleiros dentro do seu relato, a dirección local do PSOE en Santiago de Compostela iniciou os procedementos para tomar medidas disciplinarias contra os concelleiros do grupo municipal que romperon a disciplina de voto ao apoiar este luns a ordenanza que regula a comunicación das vivendas de uso turístico (VUT) no pleno do Concello.

“Ante o incumprimento das normas do partido, a Agrupación Local do Partido Socialista de Compostela informará á provincial, como órgano superior, para que se adopten as medidas disciplinarias correspondentes segundo os estatutos”, indica un comunicado emitido pola dirección local. A dirección local sostén que o Grupo Municipal Socialista no Concello actuou no pleno celebrado a tarde do luns “en contra dos acordos expresamente adoptados polos órganos locais de dirección do partido”. Segundo a formación, o sentido de voto establecido pola executiva local era a abstención, ao considerar que a ordenanza que se aprobaba “non tiña ningunha incidencia nin na prohibición nin na legalización” das VUT.