Elecciones
“Podemos será o único que manteña un imposto ás grandes fortunas galegas como a de Amancio Ortega”

A candidata de Podemos á Xunta de Galiza Isabel Faraldo sostén que o seu partido será o garante da ruptura das “redes clientelares que afogan o país” e que se entran no Parlamento, será decisivo na recuperación dunha sanidade pública de calidade.
Isabel Faraldo - 2
A candidata de Podemos á Presidencia da Xunta Isabel Faraldo. Dani Gago

Aínda que as enquisas apuntan a que conseguir un acta de deputada é pouco probable, Isabel Faraldo (A Coruña, 1966) é optimista: “Déronnos tantas veces por mortas, que non nos vai asustar que o volvan intentar facer”. A candidata de Podemos á Xunta de Galiza defende que a súa formación está a reconstruírse no país e aspira ser a chave que permita o primeiro goberno galego progresista en cinco lustros. 

As bases da súa estratexia para mobilizar o voto de esquerdas na última semana de campaña serán a defensa dun refortalecemento da sanidade pública, a defensa do medioambiente ante os grandes conflitos socias do momento e a aplicación dun sistema fiscal “máis xusto” e que redistribúa a riqueza.

Agás as europeas de 2014, chegamos ás primeiras eleccións dende que se fundou Podemos onde haberá papeleta exclusiva do partido en Galiza. En cambio, tamén son nas que peor proxección teñen, sempre segundo as enquisas. Entendo que é unha boa nova para a militancia a nivel interno, pero cre que tamén o é para ensanchar o espazo electoral?
Cóntoche unha anécdota. Nunha asemblea a nivel de toda Galiza que fixemos hai pouco, unha compañeira levantou a man e dixo: “Durante dez anos, eu votei a Podemos, pero nunca collendo a papeleta de Podemos”, máis alá de, efectivamente, as eleccións europeas de 2014. É a primeira vez. Creo que iso é moi significativo. Primeiro, a nivel identitario e, segundo, a nivel da reconstrución dun partido que tivo un caudal enorme e que desperdiciou, non el, senón toda a etapa das confluencias e alianzas que non resultaron como tiñan que resultar. Neste momento, Podemos ten un proxecto propio. Estamos en vías e con ánimo de defendelo, pero claro vamos empezar dende moitos chanzos atrás. Creo que con convicción e con compromiso, seremos quen de sacar este proxecto adiante.

Hai agora dous meses, o 62,36% da militancia de Podemos Galicia rexeitou concorrer en coalición con Sumar ás eleccións malia un preacordo entre as direccións das que vostede formaba parte. Que foi o que pasou?
Dicir que había un preacordo é como dicir que se chegou a un consenso e iso non foi así. Había un acordo que para nós era xa naquel momento precario é pobre e así o expuxemos nas mesas de negociación, e nós tiñamos a obriga de que fora militancia quen se pronunciara e foi a propia militancia a que veu o que nós tamén estabamos a ver: era un acordo que ninguneaba e ocultaba a forza que somos. Eramos como unha especie de exército invisible no que a nosa militancia non ía ter capacidade algunha de decisión. Tiñamos xa unha candidatura refrendada polas bases no caso de que o acordo con Sumar non chegase e aquí estamos.

“Votei en branco na consulta sobre a coalición de Sumar e Podemos en Galicia. Non podía apoiar un proxecto no que non cría”

En que medida afectou que un dos editoriais de Canal Red pedise o voto explicitamente ao BNG?
Evidentemente, todo inflúe, pero non creo que iso fose determinante. Se miramos para atrás, hai un percorrido ao longo de todo un ano no que á militancia de Podemos vai observando como o seu partido queda ninguneado e apartado. Creo que o vivido desde xullo foi bastante significativo a ese nivel. O feito de que as nosas dirixentes e deputadas víranse na obriga de ter que pasar para o grupo mixto pois pesa bastante. Non creo que fora só ese editorial, digamos, táctico, senón que hai moitos máis elementos nos que poñer o foco.

Vostede votou nesas primarias?
O voto é secreto, pero mira vouche ser moi sincera: votei, pero o meu voto foi en branco. Non era capaz de votar en contra dunha coalición na que xuntar forzas, pero por outra parte tampouco podía apoiar un proxecto no que non cría nin me vía facendo unha campaña na que non tiña plena convicción.

Que lectura fai Podemos sobre a reconciliación de Anova co BNG?
Anova foron compañeiros de camiño nun momento no que Podemos estaba no punto máis alto da onda. Neste momento, pois Anova volve á casa. Creo que pouco máis teño que dicir. Se cadra, era o esperado.

“Malgastouse o caudal do que foron as 'mareas' por non estar todas a unha e pagámolo caro”

Pregúntollo doutro xeito. É un fracaso para o espazo político das mareas?
Foi un fracaso. Malgastouse o caudal do que foron as mareas por no estar todas a unha e pagámolo caro. Era un todo con vós, pero sen vós. Esa sensación de non estar unidas realmente, de que eran só unións para gañar unhas eleccións, pois fixo o bastante dano. Pensa que tivemos once cidades rebeldes que se perderon. Tivemos unha chea de representantes nos diferentes parlamentos autonómicos e se perderon. Todo iso influíu. Ademais do esgotamento propio de Podemos polas loitas internas e, sobre todo, a influencia dos ataques dos medios de comunicación.

Atendendo á demoscopia, o escenario é complexo para que Podemos acceda a un acta de deputada no Parlamento galego, queda unha semana de campaña. Cales van ser as claves estratéxicas para apelar ao voto da esquerda e conseguir esa mobilización?
O que mellor nos representa é o lema da campaña: defende as túas ideas. Creo que frontes os tacticismos electoralistas e sobre todo tendenciosos dalgunhas enquisas, pois temos que seguir defendendo o que somos. Temos un proxecto transformador, un proxecto valente. É un proxecto que di o que outras calan. Por exemplo, Podemos será o único que manteña un imposto ás grandes fortunas galegas como a de Amancio Ortega. Máis alá de ser temporal, ten que ser definitivo. Ademais temos que romper con esa fiscalidade protectora dalgunhas grandes fortunas. Poñendo un imposto ás empresas de máis de 100 millóns, suporía, cunha reforma fiscal, poder ingresar só en Galiza uns 1.600 millóns de euros. Imaxina o que iso suporía para os servizos públicos desta terra nosa.

Análisis
Análise Que di (e que non) o barómetro do CIS sobre Galiza?
Os mesmos datos do Barómetro a permiten realizar outra lectura na que o PP parte con máis vantaxe e o BNG superaría o rendemento que lle outorga o Centro de Investigacións Sociolóxicas.

Cal é a diagnose que fai logo de 15 anos de gobernos do PP. Primeiro de Alberto Núñez Feijóo e agora de Alfonso Rueda?
Vímolo na última crise dos pellets. En Galiza temos unha fundación que é o Centro Tecnolóxico do Mar. Unha fundación creada con fondos públicos e dirixida pola tía do presidente da Xunta, Alfonso Rueda. De súpeto, chega un desastre medioambiental precisamente baseado nunha das áreas nas que traballa, que é a influencia dos microplásticos no mar, e nin se lles ve nin aparecen. Inoperancial total. E logo, contratan a unha empresa de marketing vinculada ao PP para a limpeza das praias. Que nos ensina isto? As súas redes clientelares que afogan o país e que se sinten impunes para todo. Esta é a situación que estamos na obriga de romper en Galiza.

Isabel Faraldo - 1
A candidata de Podemos á Xunta. Dani Gago

Cales son as prioridades para Podemos en Galiza?
Falo como traballadora e como cidadá e sosténdome nos informes do Defensor do Paciente: a sanidade pública en Galiza está na UCI. Isto son vidas humanas. O recorte de 2.000 millóns conseguiron que teñamos a Atención Primaria máis saturada do Estado, poñer contra as cordas as Urxencias e sobrecargar, máis aínda, a un persoal que está no límite. Temos 40.000 intervencións cirúrxicas en espera. Temos máis de 9.000 persoas esperando pola súa primeira cita en saúde mental. Temos un servicio de ambulancias externalizado, os técnicos de ambulancias absolutamente saturados e con 129 ambulancias para toda Galiza coa nosa dispersión poboacional. É urxente revertir esta situación ampliando así investimentos na sanidade pública e facendo ademais un plan de separación entre a atención primaria e a atención hospitalaria.

A nivel medioambiental vivimos tempos convulsos e todo semella de que irán a peor. Unha implantación descontrolada da enerxía eólica, a apertura de proxectos mineiros, a prórroga de ENCE, a xestión do desastre dos pellets... Como debería enfrontar un goberno progresista esta problemática?
Xusto aí é onde se ve a necesidade absoluta de botar ao PP do Goberno. Ademais citas un dos sectores onde se ve máis esa xestión e nepotista. As macroeólicas. Nós non estamos en contra das eólicas, todo o contrario. Pero é que estamos vendo que non se está controlando o impacto sobre o territorio e aínda por riba enterámonos de que os informes de impacto ambiental estanos a facer os técnicos das propias empresas. Non debemos esquecer que a exconselleira de Medio Ambiente con Feijóo, Beatriz Mato, ten hoxe unha cadeira no consello de administración de Greenalia, unha das grandes adxudicatarias destes parques. Ademais de ser unha das grandes produtoras de eletricidade e ter unha das facturas máis caras.

Que Galiza cre que virá despois do 18F se a dereita abandona a Xunta?

Unha Galiza plural, unha Galiza fermosísima porque se vai quitar o gris de enriba. Vaise quitar esa cultura nefasta de redes clientelares. Dígoo moito porque me doe pensar que todo o potencial de Galiza queda nun negocio para catro. Vén unha Galiza alegre e plural. Ímolo ver o 18 de febreiro.

O Salto medra contigo
O Salto medra contigo Galiza precisa máis que nunca un xornalismo libre que estea financiado polas maiorías sociais
Depois das eleccións do 18 de febreiro, a deriva conservadora e neoliberal do país continúa. Por iso, ofrecémosche seguir traballando en contidos críticos que fiscalicen o poder político e económico. Para iso, precisámoste. Subscríbete ao Salto.
Informar de un error
Es necesario tener cuenta y acceder a ella para poder hacer envíos. Regístrate. Entra na túa conta.

Relacionadas

LGTBIAQ+
Diversidade O Concello de Vigo retira a Área de Diversidade das subvencións de Igualdade
A asociación LGTBQI+ Nós Mesmas denuncia a eliminación como parte dun intento “continuo e silencioso” de borrar o activismo disidente do mapa.
Medio ambiente
Medio ambiente A loita polo monte galego: lumes, eucalipto e ameazas á propiedade común
Galiza concentra un terzo dos incendios forestais rexistrados no Estado. Mentres a Xunta apunta aos montes veciñais, comuneiros e ecoloxistas denuncian unha estratexia política para favorecer a privatización e a expansión da industria madereira.
Nacionalismo galego
Pensamento A incómoda liberdade de pensamento de Castelao
Este ano cúmprese o 75º aniversario do pasamento do artista e intelectual Alfonso Daniel Rodríguez Castelao. O profesor Xoán Carlos Garrido investigou sobre a obra desta figura clave da historia de Galiza.
juabmz
11/2/2024 23:08

Podemos fala claro, se lles entende o que din, o seu leguaxe é palpábel. Outros que tal bailan son os da comparsa Los Colgados. Escoiten, escoiten: https://www.youtube.com/watch?v=lmuMsyfUb5Y

0
0
Derecho a la vivienda
Derecho a la vivienda KKR y el negocio del ladrillo: de vender pisos en territorios ocupados a gestionar las viviendas de la Sareb
Desde 2022, el fondo proisraelí KKR es el encargado junto a Blackstone de gestionar la cartera residencial del banco malo. En verano vencen sus contratos y los fondos presionan para seguir sacando rédito del patrimonio público.
Materias primas
Consumo España entra en déficit ecológico este 23 de mayo
El país ya ha consumido, a fecha de este viernes, todos los recursos naturales por año que le corresponderían en un reparto justo que permitiera al planeta regenerarse.
Culturas
Bob Pop “Mis poemas son unas croquetas sabrosas y no congeladas”
Escritor y vedete intelectual, acaba de publicar ‘De cuerpo presente’, un poemario donde responde 27 años y un diagnóstico de esclerosis múltiple después a sus miedos ante la enfermedad en la juventud.
Albania
Albania Albania: más de 30 años de democracia corrompida
El Partido Socialista de Edi Rama se mantiene en el poder gracias a un sistema de redes clientelistas y una desilusión que ha hecho que más de la mitad de la población se haya resignado.
Opinión
Opinión La hidra de la lucha por la vivienda
Un sector del movimiento de vivienda pone el foco en los grandes propietarios y los fondos de inversión para entender la actual crisis de vivienda. Otro, a la clase media propietaria. Cada enfoque lleva a estrategias distintas.

Últimas

Comunidad de Madrid
Pseudomedios Ayuso y Almeida han inyectado más de 400.000 euros a ‘Periodista Digital’ en cuatro años
El medio de Alfonso Rojo que emplea al agitador Bertrand Ndongo ha recibido más dinero que medios con mucho más alcance como ElDiario.es mientras El Salto sigue siendo totalmente discriminado por el Partido Popular.
LGTBIAQ+
Sentencia El TSXG reconoce que el asesinato de Samuel Luiz fue un crimen de odio
El tribunal ha ratificado las penas de entre 20 y 24 años para los tres acusados y ha absuelto al joven condenado a diez años de cárcel como cómplice del asesinato.
Navarra
Opinión Diez años de corralito progre en Navarra
VV.AA.
En las elecciones municipales y forales del 24 de mayo de 2015 se propagó la confianza en un futuro en el que la hegemonía conservadora del corralito foral diera paso a algo muy diferente y mejor.
Educación
Educación Ayuso elimina feminismo de selectividad: por una educación que fomente la igualdad
Alumnado y Dirección del posgrado de Género, Masculinidades y Acción Social de la UPV-EHU/UCM denunciamos la decisión de eliminar los temas de feminismo y de Objetivos de Desarrollo Sostenible de la ONU.
València
València Víctimas de la dana comparecerán en la investigación del Congreso, pero no en la de Les Corts
Las asociaciones pactaron también en su reunión con Pedro Sánchez un funeral de estado laico y una reunión el próximo jueves con la vicepresidenta y ministra de Transición Ecológica, Sara Aagesen.
Más noticias
Comunidad de Madrid
Sanidad pública Una cita médica para dentro de 20 días: la ciudadanía vuelve a la calle contra las políticas de Ayuso
En la Comunidad de Madrid hay más de un millón de personas en las listas de espera hospitalarias y más de 700.000 sin médico de familia asignado. Este domingo 25 de mayo la ciudadanía vuelve a salir a la calle contra la política sanitaria de Ayuso en una gran manifestación compuesta de cuatro columnas que confluirán en Cibeles a las 13:00 horas.
El Salto Radio
EL SALTO RADIO Natalia García Freire: escritora de una generación volcánica
Sexto capítulo de la serie Aleteo sonoro, en el que volamos a los Andes ecuatorianos para conocer la infancia y las motivaciones literarias de la autora.
València
València El País Valencià se prepara para la huelga general del 29 de mayo contra la gestión de Mazón
Siete meses después de la dana, mientras la justicia apunta al Consell, los sindicatos combativos preparan la huelga general con el respaldo de amplios sectores sociales.
Poesía
Poesía Por qué vive Roque Dalton: 50 años del asesinato del poeta de El Salvador
El poeta Roque Dalton sigue desaparecido desde que aquel día murió “muchacho” con 40 años de edad. Que Roque Dalton murió muchacho lo escribió su amigo Mario Benedetti, también poeta.

Recomendadas

México
México Desenterrar el dolor: los desaparecidos de Jalisco
El colectivo Guerreros Buscadores de Jalisco, el mismo que descubrió el campo de exterminio de Teuchitlán, halla un punto de venta de droga activo del Cártel Jalisco Nueva Generación con varios cuerpos enterrados.
Gordofobia
Lara Gil “Es más peligroso para la salud una cirugía de reducción de estómago que ser una persona gorda”
Lara Gil (Madrid, 1988) es antropóloga y activista antigordofobia. Ha escrito un libro, 'Manual para romper un cuerpo', en el que cuenta como una cirugía bariátrica ha destrozado su cuerpo. Denuncia que nadie habla sobre las consecuencias de mutilar el estómago cuando está sano.
Medio ambiente
Medio ambiente A loita polo monte galego: lumes, eucalipto e ameazas á propiedade común
Galiza concentra un terzo dos incendios forestais rexistrados no Estado. Mentres a Xunta apunta aos montes veciñais, comuneiros e ecoloxistas denuncian unha estratexia política para favorecer a privatización e a expansión da industria madereira.