Laboral
A Policía reprime con violencia a protesta dos bombeiros comarcais en Ourense

A Policía Nacional vén de reprimir con violencia este luns a máis de 200 bombeiros dos parques comarcais galegos, que están en folga desde o 15 de xuño en busca de melloras nas súas condicións laborais, cando levaban a cabo unha mobilización fronte á Deputación Provincial de Ourense, como parte do seu calendario de protestas anunciado a semana pasada.

A folga autonómica de bombeiros pon de manifesto a precariedade estrutural dun servizo público esencial

Alma López Figueiras

Precariedad laboral

Precariedade laboral A folga autonómica de bombeiros pon de manifesto a precariedade estrutural dun servizo público esencial

Alma López Figueiras

O rexeitamento dos bombeiros dos parques comarcais a facer horas extras voluntarias está obrigando a pechar instalacións. O 13 de xullo hai manifestación en Compostela para reclamar unha dignificación das condicións laborais.

As manifestacións comezaron o venres pasado fronte á entidade provincial de Pontevedra, e hoxe foi a quenda da provincia de Ourense. Nese lugar, os bombeiros congregáronse no Pazo Provincial, expresando o seu descontento con berros de pedindo dimisións, guindando pintura á fachada do edificio e queimando neumáticos. 

Máis de 200 profesionais fronte á sede institucional, onde se atopaban presentes varios axentes antidisturbios, o que acabou desembocando nun novo episodio de violencia policial. Ata tal punto que un dos bombeiros resultou ferido no nariz durante un enfrontamento, sufrindo unha rotura do tabique nasal, segundo os propios sindicatos. Polo menos, outros dous bombeiros teñen danos en mans.  

O Comité de Folga, encabezado por Anxo Moldes da CIG, foi recibido na institución provincial ourensá polo presidente, Luís Menor, herdeiro do clan Baltar. Entre as súas demandas inclúense a creación dun convenio colectivo a nivel autonómico que sexa uniforme para todas as provincias de acordo á súa profesión, unha maior dotación de equipos técnicos e recursos humanos, e a estabilidade no emprego seguindo a doutrina establecida polo Tribunal Supremo en xaneiro de 2022. Os sindicatos recoñecen a esta redacción que dende hai un mes non reciben resposta das administracións para continuar a negociación, denuncian que “non hai vontade e que non hai seriedade”.

O calendario de futuras mobilizacións contempla unha protesta o 27 de outubro fronte á Deputación da Coruña e outra o 31 deste mes ante a Deputación de Lugo. Ademais, está prevista unha manifestación en Santiago de Compostela o 17 de novembro.