Libertad de información
Cuac FM por fin ve recoñecido o seu dereito a comunicar

CUAC FM ve recoñecido legalmente por primeira vez o seu dereito a comunicar libremente grazas a este informe favorable da Fiscalía do Tribunal Superior de Xustiza. O Ministerio Fiscal solicítalle ao Tribunal Superior de Xustiza de Galicia “que recoñeza a lesión do dereito a crear medios de comunicación social”, como vén denunciando a radio comunitaria dende que fora obrigada a apagar o seu emisor baixo amenaza de sanción hai agora un ano. 

Logo do apagón do dial 103.4 da FM, CUAC interpuxo un recurso contencioso-administrativo contra a Xunta de Galicia pola violación do dereito constitucional a comunicar, recollido no artigo 20.1.a) da Constitución Española, “para que sexan os tribunais de xustiza os que restitúan o dereito da cidadanía a acceder ao exercicio da comunicación a través do medio comunitario”, segundo un dos comunicados da emisora.

O recurso foi admitido a trámite no verán de 2018 por parte do Tribunal Superior de Xustiza de Galicia, e o Ministerio Fiscal vén de emitir estes días un informe que coincide coa posición defendida por CUAC:

A Fiscalía comprende que CUAC se atopa nunha situación que lle impide desenvolver a súa actividade radiofónica.

Na demanda do medio comunitario contra a Xunta de Galicia, a Fiscalía alega en favor de CUAC considerando que a Xunta está efectivamente limitando o seu dereito de expresión, ao impedir a súa emisión ata que se desenvolva unha lei que o Goberno tiña que ter en marcha dende 2010. 

A Fiscalía comprende que CUAC se atopa nunha situación que lle impide desenvolver a súa actividade radiofónica, pois aínda que o medio solicitou en numerosas ocasións unha licenza comunitaria, a Xunta nunca convocou concurso, nin concedeu títulos temporais de emisión, algo que si permite a Lei 7/2010 que está vixente. 

Limbo xurídico

Esta imposibilidade de cumprir a normativa vixente coloca a CUAC nunha situación de limbo xurídico, agardando que as administracións decidan desenvolver a lei de medios comunitarios: Segundo a Fiscalía, “o desenvolvemento desta normativa e a súa posta en funcionamento non se produciu, [o que] supón un incumprimento dun mandato lexislativo.” Esta situación coloca a aqueles que están xa presentes no uso do espazo radioeléctrico nunha situación de limbo xurídico na que non poden regularizar a súa situación, pero “poden quedar ao albur de que a Administración decida usar as súas potestades sancionadoras”.

Finalmente, o Ministerio Fiscal resolve neste escrito que “coas alegacións anteriormente expostas, se continue o proceso e, no seu día, se dite sentenza que declare a lesión do dereito para crear medios de comunicación social.”

Mentres non se substancie este recurso contencioso-administrativo, CUAC continuará transmitindo exclusivamente por internet, a través da súa web cuacfm.org, servizos de streaming e podcasting, e aplicacións para dispositivos móbiles.

Una ley sin fuelle

La Trama Comunicacción

2

Medios comunitarios

Una ley sin fuelle

La Trama Comunicacción

2

En la nueva ley de medios andaluza, actualmente en trámite, los medios libres y comunitarios siguen en un limbo donde solo la parte sancionadora está regulada.