Medio ambiente
A Xunta desoe a oposición social e dá luz verde ambiental á celulosa de Altri e Greenalia

A Xunta de Galiza determinou que a planta de celulosa proxectada pola pastera lusa Altri e a multinacional galega Greenalia en Palas de Rei (Lugo) é viable desde o punto de vista ambiental, motivo polo que decidiu outorgarlle a autorización correspondente para que o proceso poida continuar.

Dende o inicio, tanto o Goberno galego como o Partido Popular de Alfonso Rueda insistiron en que “decidirían os técnicos” respecto deste proxecto, que xerou unha notable resposta social e recibiu duras críticas por parte doutras formacións políticas.

Quen é quen en Greenalia? A empresa que quere outra celulosa en Galiza e arrasa oliveirais en Andalucía

Javier H. Rodríguez

Medio ambiente

Altri Quen é quen en Greenalia? A empresa que quere outra celulosa en Galiza e arrasa oliveirais en Andalucía

Javier H. Rodríguez

Os tentáculos da rede empresarial tras esta corporación tocan a gran parte da oligarquía galega. Desde medios de comunicación como 'La Voz de Galicia' até equipos de fútbol como o Deportivo ou entidades financeiras como Abanca.

Medio ambiente A conselleira de Medio Ambiente suxire que opoñerse a Altri vai contra a lei

O Diario Oficial de Galiza (DOG) publicou este venres o anuncio oficial, no que se recolle o informe que emite a declaración de impacto ambiental para este proxecto “estratéxico”, orientado á produción de fibra téxtil a partir de celulosa e ás súas infraestruturas asociadas. A iniciativa, impulsada pola sociedade instrumental Greenfiber, abrangue diferentes localizacións: Palas de Rei (Lugo), Melide e Santiso (A Coruña) e Agolada (Pontevedra).

O informe conclúe que a proposta é “ambientalmente viable”, sempre que se cumpran non só os requisitos establecidos no estudo de impacto ambiental e na documentación avaliada, senón tamén “o condicionado e o programa de vixilancia ambiental” incluídos no propio informe.

O rexeitamento á celulosa da Xunta e Altri desborda o corazón de Galiza

Javier H. Rodríguez

Medio ambiente

Manifestación na Ulloa O rexeitamento á celulosa da Xunta e Altri desborda o corazón de Galiza

Javier H. Rodríguez

Unha manifestación multitudinaria desborda o concello lugués de Palas de Rei, onde se pretende instalar a industria papeleira, coa gran ausencia do PSOE e unha gran fronte ampla da sociedade civil.

Documental 'Altri: a sede insostible', un documental sobre os futuros efectos da fábrica de celulosa proxectada na Ulloa

Ademais, establécese que, no caso de que xurdan impactos non contemplados ata o momento, as autoridades ambientais poderán impoñer novas condicións adicionais ás xa fixadas.

Declaración de Impacto Ambiental | Celulosa Altri & Greenalia by El Salto periódico

[Haberá ampliación]