Memoria histórica
O agasallo da morte

Durante a Guerra Civil só houbo dous asasinatos o día de Nadal: o de Manuel Orjales e Andrés Braña
14 ene 2023 09:39

Foi un domingo, día do Señor para os católicos. En Ferrol, que sería del Caudillo ata os oitenta. Era festa, mais poucos celebraban. As casas do pobo recendían ao medo que fora sementado dous anos antes, estaba agromando, fora regado con sangue.

Era 25 de Decembro, as panxoliñas non eran quen de calar os disparos. O gatillo quería aproveitar as últimas vidas do 1938.

“(...) Al mismo tiempo que nos nace al Divino Niño, nos anda naciendo España. Por eso nuestras Navidades son, ahora, tan dolorosas. (...) Si, pues, de nuestras Navidades ha de nacer España, nuestras Navidades tienen que ser totalmente españolas. Si fuesen de otra manera, lo que de su seno naciese sería cualquier cosa menos España (...) Y esto no puede ser”. E isto non pode ser. Non pode ser. Non foi. Non deixaron que fose.

Eran estas as verbas que aparecían na portada de El Correo Gallego o día de noiteboa, a derradeira noite de Carrizo e Labrada. As únicas persoas asasinadas  o día de Nadal en Galicia durante o período de guerra. Estaba a nacer España, dicían os asasinos, o paristallo dun país que había anos que aflorara. O que estaba a nacer, cun berro calado, era a negrura dunha longa noite de pedra.

A cidade naval, berce dos feitos

“Pódese dicir que en Galicia non hai o concepto dunha guerra civil, senón dunha sublevación militar que gaña en moi pouco tempo” comenta Emilio Grandío Seoane, profesor de Historia Contemporánea na USC. 

Tras o Golpe de Estado de xullo de 1936, o país queda dividido en dous, desdóbrano á forza. “Españolito que vienes al mundo te guarde Dios. Una de las dos Españas ha de helarte el corazón”. Aínda  que os versos de Machado facían referencia a esta partición, o certo é que ningunha das dúas Españas había xear o corazón da poboación, pois xa estaba crebado de tanta dor.

A partilla das zonas estaba relacionada cos resultados das eleccións en febreiro de 1936, os militares triunfaran naquelas rexións onde gañaran as candidaturas de dereitas. Galicia foi unha excepción, pois a Fronte Popular vencera na comunidade galega mais esta quedou en poder dos sublevados en poucos días, sendo as cidades da Coruña e Ferrol indispensábeis para conseguilo.

Estaba a nacer España, dicían os asasinos, o paristallo dun país que había anos que aflorara. O que estaba a nacer, cun berro calado, era a negrura dunha longa noite de pedra.

“Ferrol era a base naval con máis efectivos en barcos e homes de España en xullo de 1936” relata Xosé Manuel Suárez, historiador e autor de libros como Armas para a República ou O alzamento de 1936 no norte da Coruña. “De permanecer Ferrol no bando republicano non caería Galicia, xa que se bombardearía A Coruña desde o mar, dominando a costa galega e non sería posible o bloqueo da costa cantábrica republicana, que foi minada pola Armada ferrolá ata outubro de 1937”.

“Ferrol foi onde máis represión houbo en Galicia con diferenza” salienta Grandío Seoane.  Calcúlase que arredor de 2700 persoas foron represaliadas en toda a comarca  ferrolá no período de guerra e ditadura, máis de 700 entre 1936 e 1939. E entre esa longa listaxe, só dous asasinados o día de Nadal. O agasallo da morte, Carrizo e Labrada.

O derradeiro alento de liberdade

“Quíxose facer ver que os roxos eran perigosos elementos revolucionarios e por suposto inimigos da relixión, merecedores de ser fusilados un día de Nadal” deste xeito explicaba Suárez a escolla do día para ámbalas dúas mortes.

Mais eses que rumbaban de defender a relixión tiñan os principios tan curtos que tropezaban con eles. “Os falanxistas mataron o crego de Xestoso por negarse a doar diñeiro para o movemento salvador da patria. En Ferrol asasinaron tamén a Matías Usero, que colgara os hábitos anos antes” exemplifica o historiador.

O castelo de San Felipe foi prisión. Foi testemuña do último latexar de Andrés Braña, coñecido como O Carrizo, e Manuel Orjales, de alcume Labrada.  A fortaleza, construída con fins defensivas en tempos de Felipe II, foi unha gaiola para a liberdade. Unha gaiola que só abrían para matar os paxaros que gardaba. Pois segundo Suárez, “preto de 80 persoas foron fusiladas por sentenza entre 1936 e 1942 nos muros de San Felipe”.

Andrés Braña era coñecido coma Carrizo, levaba o alcume dun paxaro de cor parda. De profesión mariñeiro, só pretendía navegar as vagas do que cría xusto. Naceu en Ferrol mais vivía en Cedeira. Era novo cando as balas lle privaron de alentar, tiña 27 anos. Ramón Braña e Brígida Rodríguez quedaron aquel Nadal sen fillo, o galano dunha loita inicua.

O castelo de San Felipe foi prisión. Foi testemuña do último latexar de Andrés Braña, coñecido como O Carrizo, e Manuel Orjales, de alcume Labrada.  A fortaleza, construída con fins defensivas en tempos de Felipe II, foi unha gaiola para a liberdade. Unha gaiola que só abrían para matar os paxaros que gardaba. 

O adeallo de Labrada tiña coma propietario a Manuel Orjales. Un traballador naval que ollou o mundo por vez derradeira aos 32 anos. Fora Cerdido a vila que o vira nacer, era Ferrol quen o acollía na súa morte. José Orjales e Josefa Bouza sentiron naquel intre a mesma dor que os outros dous proxenitores, un afliximento indescriptíbel, unhas feridas gravadas no corazón que endexamais atoparon vendaxe.

Braña e Orjales foron detidos a comezos de decembro, o día 3, en Régoa (Cerdido). Fuxiran ámbolos dous ao monte, sen integrarse en ningún grupo. En Crónica negra de la marina española explícase que acababan de roubar 1490 pesetas no intre que foran interceptados. Levaban dúas pistolas e boinas coas insignias da foz e o martelo. Foi ese o seu derradeiro alento de liberdade.

O 20 de decembro de 1938 El Correo Gallego incluía o seguinte no referido a Consellos de guerra: “Mañana miércoles, a las once, se celebrará en el cuartel de Zapadores un Consejo de guerra para ver y fallar la causa instruída contra los paisanos Manuel Orjales Bouza y Andrés Braña Rodríguez, por el delito de rebelión militar y robo a mano armada”. Os dous días seguintes os nomes dos persoeiros volvían a incluírse en dito xornal.

Non foi ata o 25 de decembro que se cumpriu a sentenza. O reloxo de area da morte acababa de soltar o último gran, era a hora, eran as cinco da tarde. Caían os corpos sen vida sobre a friaxe do terreo, sobre a friaxe na que se estaba a sumir o país enteiro.

Ese mesmo día botóuselles terra por riba, sementouse a inxustiza no cemiterio de San Salvador de Serrantes. Un 25 de decembro, un día de Nadal, un día calquera...

Informar de un error
Es necesario tener cuenta y acceder a ella para poder hacer envíos. Regístrate. Entra na túa conta.

Relacionadas

Feminismos
Memoria histórica Mulleres: base da resistencia guerrilleira en Valdeorras
Fontes orais e grupos de investigación como Sputnik Labrego demostran que o tecido organizacional se sostivo grazas aos enlaces que loitaron dende o chan.
Crímenes del franquismo
José Guijarro, alcalde republicano fusilado en el 39 y olvidado hasta nuestros días
No existe ninguna fotografía o imagen de José Guijarro. No existe una lápida con su nombre. Lo único que se conoce de él las iniciativas que tuvo como alcalde de Velilla de San Antonio y que quedaron reflejadas en las actas con su firma. Que al menos esto no quede en el olvido.

Destacadas

Culturas
Errores e incidencias El complicado camino para gastar los 400 euros del Bono Cultural Joven
Los primeros meses de aplicación del Bono Cultural Joven han estado plagados de errores e incidencias que han dificultado el acceso a la iniciativa y su disfrute, tanto para beneficiarios como para establecimientos adheridos.
Espionaje
Un policía infiltrado durante tres años en movimientos sociales Cinco mujeres se querellan por abusos sexuales contra el policía infiltrado en los movimientos sociales
Cinco de las mujeres que tuvieron relaciones con D.H.P., policía que estuvo infiltrado durante tres años en los movimientos sociales catalanes, le acusan de abusos sexuales, delitos contra la integridad moral, revelación de secretos e impedimento del ejercicio de los derechos cívicos.
El Salto Twitch
El Salto Twitch Salvar a Juan Roig y otros titulares marca Hacendado
En el programa Economía Cabreada de este pasado lunes 30 de enero se hizo un repaso a los datos de inflación y un recorrido sobre artículos en defensa de Mercadona y su presidente tras el señalamiento por parte de Unidas Podemos

Últimas

Educación
Construir ciudadanía y crear comunidad desde la escuela
Resumen de un debate todavía abierto acerca de cómo crear comunidad y ciudadanía libre desde (y con) la Escuela como herramienta de transformación.
Política
Política municipal No prospera en el pleno de Badajoz la reprobación de su alcalde tránsfuga
Ignacio Gragera, alcalde electo por Ciudadanos, había anunciado su pase al PP y encabezar su candidatura en las próximas elecciones locales. El tripartito de gobierno pacense se sustenta, a su vez, sobre otro tránsfuga ultraderechista.
Sanidad pública
Sanidad Pública Denuncian que el proyecto de Ayuso para desatascar la Atención Primaria no arranca
La Consejería de Sanidad se había comprometido a limitar las agendas médicas en 22 centros de salud a partir de este lunes 30 de enero. Desde el sindicato médico AMYTS denuncian que este plan aún no ha empezado.
Navarra
Separados pero iguales: la desigualdad escolar en Navarra
Uno de los argumentos principales a favor de la segregación educativa de hoy en día –el preferido por las administraciones navarras– no se aleja demasiado de una lógica de autodefensa de la clase media.

Recomendadas

Perú
Multinacionales Un año después del derrame de Respol en Perú: ni limpieza ni reparación
Los colectivos de pescadores y otros grupos de afectados por la fuga de crudo ocasionada por Repsol el 15 de enero de 2022 denuncian la falta de una vía efectiva de compensación por los daños causados, la pasividad de las instituciones competentes a la hora de intervenir a favor de las víctimas y la persistencia de los remanentes del desastre en el fondo marino y en zonas de difícil acceso.