Vigo
A exdirectora financeira de Povisa perfílase como a nova líder do PP de Vigo

Mentres decenas de miles de persoas manifestábanse este xoves en Vigo para protestar pola deterioración e a privatización dos servizos sanitarios da área, nos despachos do Partido Popular de Galiza xéstase unha estratexia política que vai xusto na dirección contraria. O Partido Popular da cidade máis grande de Galiza prepara a elección da súa máxima representante e todas as papeletas para acceder ao posto tenas Luisa Sánchez Méndez, a persoa que foi directora económica e financeira entre 1999 e 2023 do maior hospital privado de Galiza: o Hospital Povisa. Desde alí, por certo, Alfonso Rueda deulle o pulo á sanidade pública, mandándoa a dirixir os Recursos Humanos na área sanitaria de Pontevedra e O Salnés. Toda unha declaración de intencións.

Unha multitudinaria manifestación enche Vigo contra a privatización sanitaria orquestrada desde a Xunta

Javier H. Rodríguez Juancho Everman

Vigo

Sanidade Unha multitudinaria manifestación enche Vigo contra a privatización sanitaria orquestrada desde a Xunta

Javier H. Rodríguez ,  Juancho Everman

Ducias de miles de persoas e os partidos da oposición acoden ao chamado de SOS Sanidade Pública para reclamar “a reconstrución da área sanitaria de Vigo”, empobrecida pola privatización de servizos e os sobrecustos do Álvaro Cunqueiro.

A receita neoliberal que o Partido Popular leva aplicando desde a Xunta ao Servizo Galego de Saúde (Sergas) tivo moitos e variados ingredientes desde que Alberto Núñez Feijóo chegou á presidencia galega en 2009. O máis notable e que máis contestación social xerou —e segue xerando á vista da manifestación deste xoves— foi a construción do Hospital Álvaro Cunqueiro, o primeiro centro hospitalario de Galiza privatizado na súa construción e na oferta de servizos non asistenciais. A obra magna de Feijóo que, xa durante o goberno do seu sucesor, Alfonso Rueda, destapóuselle un sobrecusto de 470 millóns de euros.

A construción do Álvaro Cunqueiro produciu algunhas das maiores mobilizacións da historia da cidade e tamén de Galiza. Iso, xunto a man de ferro populista do alcalde do PSOE da cidade, Abel Caballero, e a alimentación do suposto conflito entre as cidades da Coruña, Santiago de Compostela e Vigo, propiciou que o Partido Popular sexa absolutamente irrelevante na política local de Vigo polo menos desde 2007.

A xestión de Feijóo do Álvaro Cunqueiro: privatización, camas pantasma e un sobrecusto de 470 millóns

Sara Martínez López

Sanidad pública

Sanidade pública A xestión de Feijóo do Álvaro Cunqueiro: privatización, camas pantasma e un sobrecusto de 470 millóns

Sara Martínez López

Un informe do Consello de Contas de Galiza desvela malas prácticas e neglixencias administrativas en relación ao hospital vigués.

Foron tecendo desfeitas electorais desde entón: hoxe teñen soamente cinco das 27 actas de concelleira do Pleno municipal. Agora, o PP de Vigo, dirixido en última instancia polos seus xefes en San Caetano, apura a celebración dun congreso para elixir a Sánchez Méndez, actual vicepresidenta na Deputación de Pontevedra para, din, facer fronte a Caballero nas eleccións municipais de 2027.