Ocupación israelí
Miles de persoas enchen as rúas de 24 vilas galegas para berrar contra o xenocidio palestino

Decenas de miles de persoas encheron rúas e prazas por toda Galiza para esixir o Estado sionista de Israel que cese o xenocidio que está a cometer sobre a poboación palestina na Franxa de Gaza, pero tamén en Cisxordania. Que remate coa ocupación ilegal de territorios palestinos e que acabe o castigo colectivo contra unha poboación civil cada día máis illada e indefensa. Foron 24 prazas de 24 vilas e cidades. Malia a choiva. Malia o frío. De norte a sur e de leste a este, as bandeiras palestinas volveron á rúa como xa vén sendo habitual, semana tras semana, en todo o país. Veciñas e veciños indignados da Coruña, A Guarda, Allariz, As Pontes, Burela, Cangas, Carballo, Santiago de Compostela, Corcubión, Ferrol, Lugo, Monforte, Noia, O Barco de Valedorras, Ourense, Pontedeume, Pontevedra, Redondela, Ribadavia, Ribeira, Vigo, Vilagarcía e Vilar de Barrio decidiron non quedar na casa.

Israel bombardea tres campos de refugiados y corta las comunicaciones en Gaza

Redacción El Salto

Palestina

Genocidio Israel bombardea tres campos de refugiados y corta las comunicaciones en Gaza

Redacción El Salto

El fin de semana concluyó con la detención de la activista palestina Ahed Tamimi, mientras el número de muertos en Gaza se acerca a los 10.000.

Presión social Berlin y Washington DC protagonizan históricas manifestaciones para pedir a Israel el alto al fuego

Como xa vén sendo habitual dende o sete de outubro, en Vigo, varios miles de persoas concentráronse na rúa de Urzáiz á altura da Farola e os berros que xa asolagaran unha das rúas máis céntricas da cidade nunha das últimas mobilizacións volveron escoitarse: “Non é unha gerra, é un xenocidio!”, “Estado sionista, estado terrorista!” ou “Israel asasina, Europa patrocina”. A cidade máis grande por número de habitantes de Galiza tamén acolleu este luns unha das concentracións máis grandes do país. 

Pola súa banda, en Santiago de Compostela, as asistentes á manifestación encheron a praza de Platerías ao berro de “Boicote a Israel”, “Netanyahhu Asasino” ou “Israel asasina, Europa patrocina”. Sami Ashour, presidente da Asociación Galaico Árabe Jenin, falou ao peche da manifestación preguntándose onde están os dereitos humanos dos países occidentais e lembrando ás asistentes máis novas de que isto non é algo de agora: “Pasou no 56, no 67 e seguirá pasando. Pero o pobo palestino repite ata a saciedade que non se vai rendir. Non nos imos doblegar nunca”.

Tamén no interior de Galiza houbo movemento. Arredor de 150 persoas, o dobre que na última convocatoria, congregáronse fronte a Subdelegación de Defensa de Ourense baixo o lema “Galiza e palestina, solidaridade”. “É responsabilidade de todas, de cada unha de nós, denunciar a complicidade dos nosos Gobernos, en particularidade o Goberno español e da Unión Europea, co Estado terrorista de Israel”, rezaba o manifesto que arrincou un aplauso xeralizado entre todas as persoas que asistiron.