Elecciones
Ezkerreko politikak Zaldibarren zabortegiaren hondamendiari aurre egiteko

Azken legegintzaldian, zoritxarrez, famatu egin zen Zaldibarreko herria zabortegiaren irregulartasun eta ezbeharren ondorioz. Gai korapilatsua bezain mingarria den arren, Eneritz Azpitarte Zaldibarko alkatetzarako EH Bilduko hautagaiak gogora ekarri nahi izan du Zaldibarren ere badaudela zabortegia eraikitzea baimendu eta hori sustatu duten arduradun politikoak; “batzuek oraindik udalean erantzukizuna dutenak”, salatu du. “Orain beraien ardurak zuritu nahian dabiltza, baina esan beharra dago EAJ eta PSE beti egon direla zabortegiaren alde. Guretzako tristea da gure herria zabortegiaren hondamendiagatik famatu egitea, baina egia esan gure herriaz harro gaude, ezbeharraren ostean antolatzeko eta erantzukizunak eskatzeko gaitasun handia erakutsi dugulako. Hori da guk maite dugun Zaldibar“.

Horrelako ezbeharrak errepikatu ez daitezen, gestio desberdin baten aldeko apustuaz mintzatu da Azpitarte: “Bai, bada egiteko beste modu bat, baina lehenik eta behin Aldundien eta Jaurlaritzaren hondakin politikak aldatu beharko lirateke”. Bere ustez, zabor gutxiago sortzea lehentasuna izan beharko litzateke, eta ez sortzen dena erretzea. “Eredu aldaketa batez ari gara, ez da erreza, jendearen ohiturak ere aldatu behar direlako, baina ez dugu beste aukerarik”, ondorioztatu du.

Zaldibar contrata a un abogado del PNV para defenderse contra Verter Recycling

Ahoztar Zelaieta

Medio ambiente

Medio ambiente Zaldibar contrata a un abogado del PNV para defenderse contra Verter Recycling

Ahoztar Zelaieta

Javier Aldamiz Etxebarria, el consultor que ha fichado el consistorio, fue socio del exarquitecto municipal que dictó las normas para la instalación del vertedero. Ambos protagonizaron un polémico proyecto urbanístico tumbado por el Tribunal Superior de Justicia del País Vasco y el Tribunal Supremo.

Zaldibarko udalak eta Eusko Jaurlaritzak bide judizialetan murgildurik jarraitzen dute Verter Reciclyngen, zabortegiaren arduradunaren aurka. Hordagok aurreratu zuen bezela, horri aurre egiteko udalak Javier Aldamiz Etxebarria alholkularia fitxatu du, zabortegia jartzeko arauak eman zituen udal arkitekto ohiaren bazkide izan zena, eta Mikel Bilbao Mundakako Alkatearen aurkako auto-mozioa eragin zuena baita ere. Euskal Autonomia Erkidegoko Auzitegi Nagusiak eta Auzitegi Gorenak eraitsi zuten hirigintza-proiektu polemiko baten protagonista izan ziren biak.

EAJren atzera pausoak

Azpitartek dioenez, azken lau urteotan Zaldibarrek bereziki bi arlotan egin dugu atzera: “proiektu estrategikoak gelditu ditu EAJk, kultur etxea edo eskolako patioaren berriztea kasu”. Hautagaik argi du kontu hauek ez daudela jeltzaleen agendan eta judeaketan ere “atzera pausoa” eman dela uste du. “Parte-hartzea desagertu da, aginte eredu autoritario bat bizi dugu, gure ustez zaharkitua dagoena”, salatzen du. 

”Gobernatzeko EAJ eta PSE batera baino zinegotzi gehiago lortu behar dugulako” (Eneritz Azpitarte, EH Bildu Zaldibar)

Beraz, alderdi jeltzaleak egindako gestio honen aurrean, Azpitartek ezkerreko politiken beharra aldarrikatzen du. “Feminismoa, gure ondare historikoaren eta naturalaren defentsa, ekologismoa edota zaintza bezalako aspektuak erdigunean jartzea beharrezkoa da”, hausnartzen du. Beraz, arreta “jendean” jarri behar dela dio eta Zaldibarrek “baditu horretarako mekanismoak”. Hainbat arlotan kontseiluak eratuta daudela gogorarazten du Azpitartek, baina “EAJK ez ditu erabiltzen”. EH Bilduren hautagaiarentzako “herritarren parte-hartzea eta inplikazioa” da gobernuak behar duena. 

Ez da erraza izango Azpitarte alkatetzara iristea, ·”gobernatzeko EAJ eta PSE batera baino zinegotzi gehiago lortu behar dugulako”. Hala ere optimistak direla aitortzen du. “Oso zerrenda ona egitea lortu dugu, eta argi dugu zer nolako proiektuak egin behar ditugu hurrengo lau urteetan. Beraz aukera egon badaude, eta horiek baliatzera goaz”, ondorioztatzen du.