Literatura
Zeren zain zaudete, irakurleok?

Urtero bezala, abenduko zubian, Durangoko Azoka. Nobedadez, eragilez zein komertzialez josita. Badira Euskal Herritik pentsatu beharreko hainbat auzi. Jar ditzagun, bada, buruak martxan.
Durangoko Azoka panorámica
Durangoko Azoka se celebra siempre en el puente de diciembre, en Durango (Bizkaia). Argazkia: Durangoko Azoka

Topaketa bat da Durango abendu hasieran. Izan daiteke euskara sustatzeko ekimena, kultura indartzeko mugarri, klase ertaineko euskaldunen arteko harremanak trinkotzeko parada, edo ildo komertzialera makurtu den okasio, betiere, segun eta zeinen hitzak hartzen diren kontuan. Definizioak definizio, badira bi kontu ukaezinak direnak: bata, urtean zehar egiten den euskarazko liburu azoka handiena dela, eta bi, euskal kultura aspaldi murgildu zela logika kapitalistaren agendan.

Batak zein besteak badu ondorio azokan aurkitzen diren titulu, eduki eta formatuetan. Nobedadeak ugariagoak dira urtetik urtera, eta horien artean badaude egungo koiunturari erantzunak ematera ausartzen direnak. Azoka antolatuko den testuinguruan ezin da ukatu gerra, sistema kapitalistaren elikagai gustokoenetarikoa dena, mendebaldeko Estatuek hartu duten norabide autoritarioa, kultura punitibista eta zelataria, eta faxismoarenganako masa zabalen liluratzea, besteak beste. 

Azoka euskara sustatzeko ekimena izan daiteke, kultura indartzeko mugarri, klase ertaineko euskaldunen arteko harremanak trinkotzeko parada, edo ildo komertzialera makurtu den okasio.

Aldaketa bat sustatzea premiazkoa dela badakigu. Liburuak aldaketaren erregai izan behar direla ere bai. Annie Ernauxek dio idazketa arma politiko bat dela, labana bat: “Idaztea, nire ustez, ekintza politikoa da; hau da, mundua salatzeko edo eraldatzeko balia daiteke, edo kontrara, ordena soziala eta morala indartzeko”. Aurreneko lana: Idazketa labana bat da (Katakrak). Argi dago, idazketa eta irakurketa izan daitezke aldaketaren motorra; “testuak gertu izanda gauza gehiago gertatzeko aukera dago” azaldu zuen Nerea Fillatek Adostasunik gabe (Hordago) aurkeztu zenean. Ondoren, beraz, gaika sailkatuta, ekarpen politikoa egiten duten beste hainbat testu.

Euskal Herri punitibista

Zigorraren industria geroz eta sofistikatuagoa da eta herritar gehienen bizi baldintzak larriagotu dira urtez urte. Poliziak lasai asko patruilatzen ditu kaleak, udalek gero eta “segurtasun kamera” gehiago instalatzen dituzte eta espetxeak beteta edo betetzeko esperoan daude. Iruñeko espetxe berrian, adibidez, 425 preso daude, tokia, 1000 presorentzako. Pentsaezina da datu hauek herritarron kezka iturri ez izatea.

Angela Davisen Abolizioa. Politika, praktikak, promesak (Katakrak) liburuak askapen kolektiborako konpromisoa erakusten du. Estatu Batuetako kartzelen aurkako mugimenduaren testu militante bat da, Euskal Herrian kartzelen aurkako borrokan ipar izan daitekeena. Abolizioa, beraz, Davisen zaleetzako testu bat da, feminstetzat, kartzelen zapalkuntza pairatzen dutenentzat eta askapen kolektiboa helburu duen ororentzat. Liburuaren aurreneko itzulpena egin du Amaia Apalauzak.

Palestinaren suntsiketaren bibliografia

2023ko azaroaz geroztik, Palestinaren suntsiketari buruzko testu bilduma txiki bat ekarri da euskarara. Adania Shibli idazle palestinarrak sorterriko egoerari buruzko eleberria argitaratu zuen 2017an eta aurten itzuli du euskarara Aitor Blankok Detaile xume bat (Igela) izenburupean. Shiblirekin batera, eguneroko erresistentziatik abiatzen da Palestinan jaioa den idazle askoren lana, eta hor badu tokia poesiak ere bai. Gerra norberaren azaletik bizi duen jendearen ahotsa da hau, finean: “Hilketa berdina da/ leku guztietan/ Hirurogeita hamapiko urte beranduago/ ez gara egun bat ere bizi izan”, adierazten du Mohammed el-Kurd idazle eta poetak Rifqa (Katarkak) poema liburuan.

"Hirurogeita hamapiko urte beranduago ez gara egun bat ere bizi izan”, adierazten du Mohammed el-Kurd idazle eta poeta palestinarrak Rifqa poema liburuan.

Palestinako genozidioari lotutako beste hainbat lan argitaratu dira azken urtean, nabarmentzeko modukoak dira Rashid Khalidiren Ehun urteko gerra Palestinaren aurka (UEU) Iñaki Alegriak ekarria eta Atef Abu Saifen Gazako egunerokoa (Elkar) Irene Arrarats eta Maialen Berasategik itzulia. Okupazioaren aurkako erresistentzia literatura aberasten du Joe Saccoren Palestina  eta Gerra Gazan (Astiberri) komikiak, Gaza eta Zisjordaniako herritarren bizipenetan murgiltzen dena. Narratiba, poesia eta orain irudiak; bada, azkenik, saiakera, ekarpena teoria politikotik ere ekarri izan delako. Horren adibide: Perry Andersonen Palestinaren okupazioaz eta kolonizazioaz New Left Review aldizkarirako idatzi zituen bi testuekin osatuta, eta Eyal Weizman arkitektoaren Hiri-gerra Palestinan liburuxka. Biak Katakrak argitaletxearen eskutik. 

McKenzie Wark Durangon

Azokak jasoko duen izen handietako bat zera da: McKenzie Wark. Abenduaren 5ean dauka hitzordua teorilari kritikoak Durangon, Talaia-Durangoko Museoan Danele Sarriugarte eta Jokin Azpiazurekin batera “Herrigintza, militantzia, aktibismoa” hizpide. Oro har, maitasunaz eta diruaz, sexuaz eta heriotzaz egin dituen gogoetak konpartitzeko bisitatuko du Euskal Herria. 5ean bertan, Katakraken postuan egongo da Maitasuna eta dirua, sexua eta heriotza liburuaren irakurleekin solasteko. Baina bada idazlearekin egoteko azken aukera bat, abenduaren 9an, Iruñean, solasaldi-errezitaldi-pintxada formatuan.

Poesia, erradiografiak iristen ez diren tokian

“Altxatzeko indar bihurtzea da zoriona esklaboen artaldean/ Erantzun baten mendura gizaldiaren galdean/ Zoriontsu izatea da ura bor-bor sukaldean eta guda gogor kalean/ aztalak erretzen diren kresal aurreko salbean/ Zer da erosotasuna, zorionaren aurrean?”. Galdegiten du Maddi Sarasuak Biharraren hegietan (Maiatz) poema liburuan. Kontzientziarako deia egiten du olerkiotan, borroka sozial eta politikoak abiapuntu dituela. Hipotesi berdinetik abiatzen da, duela gutxi bisitatu gintuen Juana Dolores antzezle eta idazlea Girgileria (Katakrak) liburuxkan. Aurtengo nobedadeen artean, Iruñerriko poeta gazte baten laugarren lanak ere tokia du: Iosune Goñiren Ahizpa beltza (Balea Zuria).

Dena dela, akaso, nabarmentzekoena Homeroren Odisea (Balea Zuria) argitaratu izana da. Eta ezin aipa gabe utzi Munduko poesia kaieren ale berezia ekartzearekin batera Jacques Prevert ekarri duela Koldo Izagirrek.

McKenzie Warkek maitasunaz eta diruaz, sexuaz eta heriotzaz egin dituen gogoetak konpartitzeko bisitatuko du Euskal Herria.

Poesia eta idazketa erreminta gisa erabiltzen dituen beste autore bat da Itxaro Borda. Itzalen tektonika (Susa) poema bilduman idaztearen jarduna erdigunean jartzen du hasiera batean eta, hala, bidaia geografiko eta barne bidaia bat egitera gonbidatzen du irakurlea. Bada, baita, berriro aurkeztu duten liburua. Bernardo Atxagaren Etiopia (Erein) aurten ere baita nobedade, ia mende erdi baten ostean, 2024ko Durangoko azokan.

Izen handiko narratzaileen itzulera

Bereziki nabarmena da aurten noa itzuli diren proiekzio handiko egileen zenbait liburu: Uxue Alberdiren Hetero (Susa) ipuin bildumarekin hasi zen udazkena, Jule Goikoetxearen Politeismo bastarta (Susa) izan da literatur generoa mugara eramateko proposamen apurtzaileetako bat eta, in extremis iritsi da azokara Miren Amurizaren (Susa) Pleibak ere.

Txarraskak 25 urte

Salaketa eta eraldaketa grin artean, badira langile klaseak ospatzeko dituen hainbat lorpen. Aurten 25 urte bete ditu Basauriko Txarraska gaztetxeak, eta haren ibilbidearen liburua argitaratu du okupazioaren eta herriaren esku dagoen espazioa mintzagai duela: Txarraska gaztetxea. 25 urteko historia bizia (DDT Liburuak eta Txarraska). Txarraskako kideek azoka alternatiboan edukiko dute euren postua. Ildo komertzial bakarrera makurtzen ez den azokak, urtero bezala, toki bat baitauka Durangon. 

Badira Euskal Herritik pentsatu beharreko hainbat auzi. Jar ditzagun, bada, buruak martxan. Zeren zain zaudete, irakurleok?

Informar de un error
Es necesario tener cuenta y acceder a ella para poder hacer envíos. Regístrate. Entra na túa conta.

Relacionadas

Euskera
Lourdes Oñederra “La comprensión tiene valor por sí misma, no es un mero paso intermedio”
Lourdes Oñederra destaca la comprensión lingüística como clave para abrir oportunidades y beneficios que merecen atención y cultivo.
Euskera
Euskaraldia Lourdes Oñederra: «Ulermenak berez du balioa, ez da beste zerbaitetara iristeko urratsa»
Lourdes Oñederra hizkuntzalari, idazle eta euskaltzain osoak maiz nabarmendu izan du ulermenaren garrantzia. Dagokion balioa aitortzen bazaio, aukera eta onura ugariren iturri izan daitekeela uste du, berariaz lantzea merezi duen alorra.
Xunta de Galicia
Política A Xunta recibe ao embaixador de Israel en funcións mentres Gaza agoniza ao bordo da fame
O Goberno de Alfonso Rueda escenifica a súa boa sintonía coa Administración de Benjamín Netanyahu apenas unhas horas despois de que Israel bombardease unha escola que servía de refuxio e ordenase unha evacuación masiva en Gaza.
Palestina
Genocidio La ONG anti-UNRWA lanzada por exespías y marines de EEUU siembra el caos en el reparto de alimentos en Gaza
La Fundación Humanitaria de Gaza (GHF) creada a comienzos de este año y vinculada a agentes del ejército y la inteligencia estadounidense ha sido acusada de desaparecer a una persona y disparar a quienes estaban esperando ayuda.
Alemania
Litigio climático Un tribunal alemán abre la puerta a que grandes emisores puedan ser responsabilizados de daños climáticos
El jurado descarta la demanda del agricultor peruano Saúl Luciano Lliuya por entender que el riesgo a su propiedad es demasiado bajo, pero esta misma argumentación podría llevar a condenas en otros casos.
Madrid
Derecho a la vivienda Victoria contra la Sareb: 16 familias consiguen firmar contratos después de años de lucha
Un bloque en lucha de Casarrubuelos (Comunidad de Madrid) consigue formalizar contratos con el banco malo, al que acusan de actuar “como un fondo buitre”. En Catalunya, diez ayuntamientos apoyan los reclamos de 62 hogares en huelga contra La Caixa.

Últimas

Universidad
Genocidio Las universidades españolas han firmado 44 proyectos con Israel desde septiembre de 2024
Los acuerdos dentro del programa Horizon Europe se han sucedido a pesar de las declaraciones de decenas de universidades de suspensión de relaciones con Israel.

Recomendadas

Culturas
Erika Lust y Sara Torres “El deseo tiene una potencia inagotable para transformar la realidad si lo liberamos de las normas”
Sexo, deseo o ética del placer son algunos de los temas que hilan la escritora Sara Torres y la productora de cine porno Erika Lust en ‘La abundancia del deseo’.