Educación
Publikoari ikasleak kendu, itunpekoari eman eta desorekan eraginik ez

2023-24 ikasturterako behin-betiko matrikulazio zerrendak argitaratzearekin jakin dugu, segregazioari aurre egiteko aitzakiarekin, Hezkuntza Sailak Ordiziako Eskola Publikoan matrikulaturiko hiru ikasle Jakintza Ikastolara bideratzeko erabaki irmoa hartu duela. Jaurlaritzak baztertu egin ditu Hezkuntza Sailaren behin-behineko erabakia plazaratu zenean familiek aurkezturiko erreklamazioak.

Ordiziako Eskola Publikoak Haur Hezkuntzako 2. mailarako 47 matrikulazio eskaera jaso zituen, Jakintza Ikastolak aldiz 45. Behin betiko matrikulazio honela gauzatuko balitz ere, Eskola Publikoak bost ikaspostu libre izan zituzkeen.

Hezkuntza Sailak, ordea, irizpide erabat ilun eta subjektiboen baitan ezarri duen “Zaurgarritasun Indizean” oinarrituta, matrikulazio eskaera Eskola Publikoan egin zuten hiru ikasle ikastolara bideratu ditu. Aldiz, ikasle bat bideratu du ikastolatik Eskola Publikora. Azken emaitza: Matrikulazio hobea eta plazak libreak dituen Eskola Publikoa 45 ikaslerekin utziko duela eta Jakintza Ikastola 47rekin. Eta are larriagoa dena, erabakiak apenas izango duela eraginik herriko eta ikastetxeen arteko desorekan.

Izan ere, Ordiziako eskolen artean, jatorriaren baitako desoreka ehuneko 31,5 puntukoa da. 25,5 puntu hazi da azken 8 ikasturtean. Eskola bakoitzeko familien euskara ezagutzan ehuneko 48 puntuko desoreka dago. Eta behar sozialak dituzten ikasle eta familia ia guztiak Eskola Publikoan daude.

Hezkuntza Sailaren esku-hartzeak ia ez du eraginik izango zenbaki hauetan. Ondorioz desoreka mantendu egingo da. Baina, desorekari aurre egiteko aitzakiarekin eta erabat iluna eta subjektiboa den “Zaurgarritasun Indizea” erabiliz, jaurlaritzak matrikulazioa kendu dio Eskola Publikoari itunpekoari emateko.

Pinchar la burbuja de la educación concertada

Gessamí Forner

1

País Vasco

País Vasco Pinchar la burbuja de la educación concertada

Gessamí Forner

1

Familias de Bilbao explican cómo viven su elección: haber elegido para sus hijos e hijas la red pública frente a la red concertada, donde estudia el 49% del alumnado del País Vasco. ¿Inercia o militancia?

Escuela concertada EH Bildu se alía con el PNV para blindar la red educativa concertada más grande del Estado y la segunda de Europa

Behin baino gehiagotan salatu dugun moduan, larria da Eusko Jaurlaritzak azken urteetan Ordiziako eskolen arteko desoreka areagotzeko hartu dituen erabakiak eta segregazioa ekiditeko inolako neurririk hartu ez izana. Arartekoak berak ere, azken lau urteetako bere txostenetan, adierazi izan duen moduan. Eskandalagarria da, ordea, administrazio publikoak Eskola Publikoari matrikulazio kendu eta itunpeko ikastetxe bati emateko neurriak hartzea, are gehiago, Eskola Publikoak plaza libreak dituenean. Eta gainera, erabaki hau hartzeko aitzakia moduan erabili den eskola segregazioan apenas eraginik izan ez eta ikastetxeen arteko desorekak bere horretan mantentzen dituenean.

Ordiziako Eskola Publikoko ikasle eta familiak ez gaude prest Eskola Publikoa, berdintasuna, justizia soziala, aniztasuna, inklusioa eta euskalduntzea bermatu beharko lituzkeen Eusko Jaurlaritzarengandik, kontrako norantzan bidea egiten duten horrelako esku-hartzeak onartzeko. Are gehiago Ordizia orokorrean eta Eskola Publikoa modu berezian desorekara kondenatzen dituela argi ikusten dugunean. Publikoki eta Arartekoaren aurrean berriro ere egoera salatu eta egoerari buelta emateko mobilizatzen jarraituko dugu.