Vigo
Caballero evita participar no pleno que xulga o concurso público que simulou para Guns N’ Roses

O alcalde de Vigo, Abel Caballero, decidiu non participar no Pleno extraordinario do Concello de Vigo que pretendía analizar e xulgar o papel que el e máis o seu gabinete xogaron na simulación dun concurso público de 1,9 millóns de euros para celebrar un concerto de Guns N' Roses previamente acordado coa banda e que destapou O Salto en exclusiva. O alcalde de Vigo limitouse a presidir a sesión extraordinaria e deixou en mans do seu voceiro a defensa do se argumentario no que culpou de todo ao presidente da Xunta, Alfonso Rueda. O Goberno municipal do PSdeG-PSOE simulou unha licitación aberta para contratar a dedo a banda norteamericana, que actuou o 12 de xuño no estadio municipal de Balaídos. Fontes oficiais da promotora multinacional Live Nation, que xestiona as actuacións da banda en Europa, recoñeceron a esta redacción que contaban cun acordo previo co Concello para patrocinar a actuación da famosa banda de rock na cidade. As mesmas fontes explicaron, de feito, que ese patrocinio era o principal aliciente para que a banda fixese escala en Vigo e non en calquera outra cidade onde obter unha rendibilidade maior. Apenas un mes e medio despois, fíxose público un documento interno no que o Goberno local ofrecía eses 1,9 millóns á multinacional.

Abel Caballero simuló un concurso público de 1,9 millones para pagar un concierto ya acordado con Guns N'Roses

Javier H. Rodríguez

1

Vigo

Alcalde de Vigo Abel Caballero simuló un concurso público de 1,9 millones para pagar un concierto ya acordado con Guns N'Roses

Javier H. Rodríguez

1

La promotora reconoce que el patrocinio del Ayuntamiento era el principal aliciente para llevar a la banda estadounidense a Vigo y no a cualquier otra ciudad. La Fiscalía decidirá si investigar un presunto delito de prevaricación y malversación.

Elecciones municipales Abel Caballero riega con 2,5 millones de euros a medios afines a semanas de las elecciones

Non serviu de moito que o Bloque Nacionalista Galego lle lembrase onte expresamente ao alcalde de Vigo por carta a súa “obrigación legal de asistir e presidir os plenos”. Facíano, “ante o risco de que o alcalde escapase do Pleno Extraordinario” e, aínda que non abandonou a sesión si se negou a participar como máximo responsable no debate da súa reprobación. Non só el. A súa man dereita, a tenente de alcalde e expresidenta da Deputación de Pontevedra, Carmela Silva, que enchufou a dúas sobriñas no gabinete de Caballero, abandonou as instalacións municipais ao pouco de comezar a celebración da sesión extraordinaria. “O incumprimento desa obrigación legal, como ocorreu reiteradamente, representa un inaceptable desacato ao máximo órgano de representación democrática da cidade que é o Pleno Municipal”, explica Xabier P. Igrexas, voceiro municipal do BNG de Vigo.

Así foi o proceso de simulación do concurso

Todo comezou en febreiro deste ano, cando a mítica banda puzo a Vigo en nas canles oficiais da súa xira. Poucas horas despois, o propio alcalde xactábase da súa xestión no programa semanal co que conta na televisión local que o seu propio Goberno financia: “Nós sabemos operar moi co [estadio municipal] Balaídos. Imos meter máis de 30.000 persoas. Isto permítenos un gran concerto”. A pesar de que, nese momento, nin había reserva de crédito orzamentario nin licitación aberta, o alarde continuaba: “Guns N' Roses ven a Vigo e a Madrid. A ningún outro sitio de España. Na xira está en París, en Roma, en Londres... Está nas capitais de Europa e en Vigo (ri). Estou recibindo moitísimas felicitacións”. 

A finais de marzo, as entradas saíron á venda e, en menos de 24 horas, vendéronse case 25.000 ao mesmo prezo que, por certo, a actuación privada da banda en Madrid, algo que contribuiu ás críticas dos partidos de esquerdas na cámara municipal como o BNG ou a Marea de Vigo: “Como é posible que un concerto realizado a custe cero nun estadio municipal e que din que vai a contar con diñeiro público non teña ningún desconto nas entradas?”.

O Concello de Vigo negouse en rotundo a responder calquera das preguntas desta redacción e a súa actitude de obstrución valeulle a reprimenda do Colexio de Xornalistas

Con case todas as entradas vendidas, aínda non se sabía nada do patrocinio que o Goberno local anunciara aos catro ventos ata que, a finais de abril, a Concellería de Festas licitou un contrato de patrocinio publicitario valorado en 1.891.946,12 euros. Pero non era unha licitación normal. En teoría presentábase como “licitación aberta” á que calquera empresa podía concorrer. O obxecto do contrato, iso si, xa sementaba dúbidas da súa suposta concorrencia competitiva: “O patrocinio publicitario dun concerto internacional a celebrar no estadio de Balaídos na data proposta polo adxudicatario entre o 5 e o 27 de xuño de 2023”. O contexto para entender a singularidade: non había ningún outro concerto programado nesas datas e, ata o ano pasado, o estadio municipal levaba máis de dúas décadas sen acoller ningunha actuación. Ademais, só deron dez días para a presentación de propostas nos que, en teoría, unha banda internacional tería que organizar un concerto no estadio e presentarse ao concurso.

Pero a delimitación non foi suficiente. Nas condicións, os técnicos esforzáronse en asegurar a Guns N' Roses. Segundo os requisitos do contrato, a banda debía ser gañadora “como mínimo, dun premio internacional de prestixio no campo musical, tal como o Grammy ou o World Music Award ou semellante”; “contar cunha discografía de polo menos cinco discos de estudo, que no seu conxunto superen os 60 millóns de copias vendidas en todo o mundo”; “realizar un mínimo de cinco xiras internacionais”; e acumular “o número mínimo de subscritores” en redes sociais de 15 millóns. Un concelleiro da oposición facía chanza o día no que saíu o concurso no corredor do Pleno do Concello: “Faltoulles poñer que a actuación debía ser dunha banda cuxo nome empece por Guns e remate por Roses”.

O Concello de Vigo negouse en rotundo a responder calquera das preguntas desta redación. É máis, cando O Salto conseguiu preguntar nunha rolda de prensa ao respecto, a actitude de Abel Caballero valeulle unha reprimenda do Colexio de Xornalistas de Galicia por limitar a liberdade de prensa e o dereito a informar.