Fiscalidad
Eztabaidari eutsi gabe

Más turistas que locales” gordin esanda. “La destrucción de la ciudad”, Federikok esaldi horrekin jaso gaitu aireportuan. Bairro Altoko kale estuetatik etxerako bidean goaz, turisten hiria dela konturatuta eta gu bertako hiritarrak garela pentsatut very cool people!”, dio gazte batek tutu batetik urdin koloreko edaria irensten duen bitartean. Begiak irekita, ikuskizunarekin nola itxi, oherako bidea hartu dugu. Egunsentian, eguzki izpiek itzartu gaituzte, balkoira atera eta kalea hutsik ikusi dugu. Garbitzaileak mangera eskuan karrika dutxatzen ari dira.

Etxera Urriaren 3an Auzitegi Gorenaren epaiak adierazi zuen amatasun baimenetan ez zela PFEZ atxikipenik ezarri behar, beraz 2014tik amatasun baimenak izan dituzten emakumeek diru hori itzultzeko eskaera luzatu diezaiokete Ogasun Departamentuari. Nafarroan aldiz ezin izanen da diru hori eskatu 2012an UPNk garatutako legeak atxikipenen itzultzea debekatzen duelako.

Honen ondorioz Geroa bai eta UPNren arteko eztabaida eta liskarra zabaldu da egunotan. Alderdi batek besteari nafar amei itzuliko ez zaien atxikipen horien arduradun izatea leporatzen dio. Horri eutsiz, urriaren 25ean Nafarroako Parlamentuak 2019tik aurrera amatasun eta aitatasun baimenei Errentaren Zergaren kuotan %25ko kenkaria ezarriko diela erabaki zuen.

Hirugarrenik, ama talde bat, modu autonomoan Nafarroako presidentea den Uxue Barkosekin bildu da eta elkarretaratzea deitu du.

Baina zein da eztabaida honen atzean dagoena? Amek jasotzen duten berdintasun eza? PFEZaren atxikipena itzultzea justuagoa dela? Ala amatasun baimenek dituzten mugak (denbora eskasa eta bakarrik amei zuzenduta daudela) eta PFEZaren atxikipen txiki horrek berdinatasun sentsazio handiagoa ematen digula? Berdin dio, PFEZaren portzentaiaren itzulpena neurri kosmetikoa da, ez baititu ama horien baldintzak hobetzen ez eta haien umeena ere. Itzulpen horrek ez du berdintasunaren bidea jorratzen, euro gutxi batzuk gehiago banatzen ditu, besterik ez.

Beste mota bateko neurriak hartu behar dira eta Errenta Zergari lotuta egotea da kendu beharreko lehen baldintza. Horretaz gain, amatasun eta aitatasun baimenak berdinak, banatu ezinak eta ehuneko ehunean ordainduak izatea litzateke nafar amen egoera hobetuko luketenak. Utz ditzagun sasi eztabaidak alde batera, mesedez.