Cine
‘Jojo Rabbit’, o humor como crítica social e política

Dunha forma amable que recorda no seu estilo ao de Wes Anderson, narra a historia dun rapaz alemán que pertence ás Xuventudes Hitlerianas e acude a un campamento. A gracia, reside en que Jojo, o protagonista, ten un amigo imaxinario un tanto peculiar: Adolf Hitler. Así, a pesares de que a  obra trata o tema do nazismo, faino dende un punto de vista agradable e irónico, enmarcándose no humor  negro.

Desta forma sitúase cerca doutra película recente: Volveu (2015), filme alemán basado no  libro homónimo de Timur Vermes na que se conta cómo Adolf Hitler esperta no mundo actual. Despois dun tempo informándose acerca de tódolos cambios que non puido presenciar, Hitler  consegue converterse novamente nunha figura pública e coñecida, ata o punto de aparecer nun famoso  programa de televisión. A través de esta situación bizarra vemos algo que se asemella ao experimento da Terceira Ola. Este experimento levouse a cabo nun instituto de California, no que un profesor de  historia decidiu explicar aos seus alumnos de forma práctica o auxe do nazismo. O resultado foi a  aparición dun movemento de tintes fascistas no que participou gran parte do alumnado, non soamente  da clase, senón de todo o centro escolar.

O PUNTO FORTE DE JOJO RABBIT RESIDE NoS SeuS PERSONAXES”

De igual forma que na Terceira Ola, Jojo realmente non é nazi, non é máis que un rapaz que  creceu dentro dunha sociedade que o apoia, ou, polo menos, unha gran parte dela. O punto forte de Jojo Rabbit reside non seus personaxes, sobre todo no seu carismático protagonista. A pesar de que é unha  película moi agradable de ver —xa que conta con gags que realmente funcionan— non deixa de ser unha  crítica a unha situación que ocorreu fai 70 anos e que toda a sociedade superou.

Poderíanse tratar outros temas máis comprometidos e que seguen existindo na actualidade (ao fin e ao cabo, o fascismo continúa inserto na sociedade). Jojo Rabbit une á xente fronte ao nazismo. De feito, logra que nos riamos del.

Parasite como mostra do constante crecemento do cinema surcoreano

Alejandro Pazó

2

Cine

Parasite como mostra do constante crecemento do cinema surcoreano

Alejandro Pazó

2

Os eloxios da crítica e o boca a boca fixeron de Parasite o filme coreano máis vista en salas da historia.