Deportes
“Para nós a montaña é o máximo expoñente do amor pola vida e a natureza”

Tomás Porto e Álex Villa afirman que o Clube de montaña Buxán é “un colectivo de xente nova formada principalmente por indíxenas do máis profundo da amazonía lucense. Buxianos e buxianas habitantes e ionquis das montañas, gostosos de percorrelas, agatuñalas e afundirse nelas. Un proxecto horizontal e integral, moito máis alà que unha afección deportiva. E sobre todo, amantes da cumbia e do churrasco…”

Fútbol na lama contra a morte do rural

Denís Iglesias

Deportes

Fútbol na lama contra a morte do rural

Denís Iglesias

Barciademera celebra cada ano un evento deportivo que involucra a todos os veciños desta vila de 300 habitantes.

Somos o entorno e a súa xente, esta é a vosa resposta á pregunta da revista Desnivel “que relación mantedes coa contorna e a súa xente”. Cal é a contorna e de quen vén sendo pois, esa xente?
Somos a Galiza profunda, formada por unha manda de indíxenas que habitan o interior de Lugo. Unha contorna dividida en parroquias, conformada por aldeas semi-baleiras; somos unha especie de últimos mohicanos da montaña lucense. Un resistente pobo galo adicto ao “al filo de lo imposible”, que vive na montaña e disfruta dela.

Que é ser montañeira? Cando se pode chamar unha así?
As nosas referencias de montañeiros son Lolo, Palmón e Piro, referentes da montaña da nosa zona. Somos seareiros deles, hooligans. Ser montañeiro non é difícil, podes ir a decathlon e equiparte co kit de alpinista hilmalaista para dar un paseo por un sendeiro pegadiño á túa cidade perfeitamente homologado pola Unión Europea; ou elexir a nosa opción, o Rural Climbing montañeiro “faino ti mesmo”: co que tes e cos teus medios busca os teus retos e as túas aventuras.

Somos unha especie de últimos mohicanos da montaña lucense: un resistente pobo galo adicto ao “al filo de lo imposible”, que vive na montaña e disfruta dela.

Calquera persoa pode ser montañeira?
Penso que si, ou polo menos espero que a montaña non sexa algo elitista dunha minoría.

O monte aviva o amor?
Para nós a montaña é o máximo expoñente do amor pola vida e a natureza. Vivir sen disfrutar e polo tanto coñecer o medio natural que te arrodea, é como vivir nunha burbulla. Unha vida de permanente confort e situacións controladas, deitado nun sofá diante dunha pantalla é un auténtico desperdicio; unha vida na montaña compón o mínimo que podemos ofrecernos a nós mesmos, é dicir, dalo todo por expremer a vida.

Hai riscos na montaña, iso fai a unha montañeira ter máis consciencia da morte?
A montaña ten riscos, que na medida do posíbel hai que paliar; pero a vida cotiá tamén os ten e con accidentes máis comúns. Se cadra isto parece frivolidade; pero se teño que elexir entre un accidente de coche indo a traballar pola mañá a un curro precario ou un accidente na montaña, elixo o segundo. Dios no lo quiera.

Unha vida de permanente confort e situacións controladas, deitado nun sofá diante dunha pantalla é un auténtico desperdicio; unha vida na montaña compón o mínimo que podemos ofrecernos a nós mesmos, é dicir, dalo todo por expremer a vida.

Eólicos, monocultivos, minas..., en que medida o rural climbing e a relación co monte axudan a sentir a necesidade de coidalo, de conservalo?
En Buxán somos aldeáns, traballamos na nosa contorna, e como tal, temos o deber como parte implicada de posicionarnos ante os conflitos ambientais. No Rural Climbing a montaña como medio e os seus habitantes son os principais baluartes a defender. O disfrute do medio polos habitantes deste, axuda a un maior entendemento, simbiose e empatía entre o hábitat e a xente que o habitamos.

Por que Buxán?
Chamámonos Buxán porque é o nome da aldea do Incio onde escalamos, onde tamén se atopou un mamut. Porque nos peta, porque nos sae de dentro. Que mellor que organizar un colectivo de xente para disfrutar e argalllar proxectos que nos entusiasmen. Para min, Buxán foi o mellor que poidemos facer.

A que andades agora?
Pois con isto das restriccións pola pandemia, tan só andamos planexando novos proxectos, pero cando se convirtan en realidade falaremos deles . Entre tanto quen teña curiosidade pode seguirnos nas redes e facer ganas de xuntarse a nós nalgunha andaina.

Que pregunta que non está vos gustaría contestar?
Cal é o misterio da santísima trinidade.[A que filme fará referencia isto que di Alex Villa, do clube de montaña Buxán?].